തിങ്കളാഴ്​ച മുതൽ എച്ച്​-1ബി വിസ അപേക്ഷകൾ സ്വീകരിച്ച്‌ തുടങ്ങുമെന്ന്​ യു.എസ്

വാഷിങ്​ടൺ: നാളെ മുതൽ എച്ച്​-1ബി വിസ അപേക്ഷകൾ സ്വീകരിച്ച്‌ തുടങ്ങുമെന്ന്​ യു.എസ്. മുൻപത്തേക്കാൾ കർശനമായ പരിശോധനകളാകും ഇത്തവണ നടക്കുക. ഇതിന് ശേഷമാകും വിസ അനുവദിക്കുക. ചെറിയ തെറ്റുകൾ പോലും അനുവദിക്കില്ലെന്ന കർശന നിലപാടിലാണ് യുഎസ് ഭരണകൂടം. ഇന്ത്യയിൽ നിന്നുള്ള ഭൂരിപക്ഷം ഐടി വിദഗ്‌ധരും എച്ച്​.1 ബി വിസയാണ് ഉപയോഗിക്കുന്നത്. പരിശോധന ഇത്രയേറെ കർശനമാക്കിയതോടെ പ്രവാസികളായ ഇന്ത്യക്കാരും ആശങ്കയിലാണ്.

also read:അനേകം ഇന്ത്യാക്കാരെ അമേരിക്കയിലെത്തിച്ച എച്ച്‌-1ബി വിസയുടെ പഴുതടച്ച്‌ ട്രംപ്

കമ്പനികൾക്ക്​ വിദേശരാജ്യങ്ങളിലെ പ്രൊഫഷണലുകളെ ജോലിക്കെടുക്കാൻ സഹായിക്കുന്ന അമേരിക്കൻ വിസ
സ​മ്പ്രദായമാണ്​ എച്ച്​.1 ബി വിസ. പ്രതിവർഷം 65,000 പേർക്കാണ്​ എച്ച്​.1ബി വിസ അനുവദിക്കുന്നത്​. സമർപ്പിക്കപ്പെട്ട എച്ച്​.1ബി വിസ അപേക്ഷാ നടപടികൾ ഒക്​ടോബർ ഒന്ന്​ മുതൽ ആരംഭിക്കുമെന്നും യു.എസ്​ ഭരണകൂടം വ്യക്​തമാക്കി. വ്യാജ ആപ്ലിക്കേഷൻ നൽകുന്ന കമ്പനികൾക്കെതിരെ നടപടിയെടുക്കുമെന്നും ഭരണകൂടം മുന്നറിയിപ്പ് നൽകി.