ന്യൂഡല്‍ഹി: ട്രെയിൻ തടഞ്ഞു നിർത്തി യാത്രക്കാരെ നാലംഗ സംഘം കൊള്ളയടിച്ചു. നിസാമുദ്ദീന്‍ സ്റ്റേഷനില്നിന്ന് പുറപ്പെട്ട നിസ്സാമുദ്ദീന്‍-അംബാല പാസഞ്ചര്‍ ട്രെയിനിലെ യാത്രക്കാരെയാണ് സംഘം കൊള്ളയടിച്ചത്. സ്റ്റേഷനില്നിന്ന് പുലര്‍ച്ചെ 3.56ന് പുറപ്പെട്ട ട്രെയിൻ നിസ്സാമുദ്ദീനും തിലക് ബ്രിഡ്ജിനും ഇടയ്ക്കുള്ള ഒരിടത്ത് നിർത്തുകയുണ്ടായി. തുടര്‍ന്ന് നാല് കൊള്ളക്കാര്‍ തീവണ്ടിയുടെ ജനറല്‍ കമ്പാര്‍ട്ട്‌മെന്റില്‍ പ്രവേശിക്കുകയും യാത്രക്കാരുടെ കൈയ്യിൽ നിന്ന് വിലപിടിപ്പുള്ള വസ്തുക്കൾ കൊള്ളയടിക്കുകയുമായിരുന്നു.
Read Also: ടാക്‌സ് നല്‍കാത്തതിനെ തുടർന്ന് മന്ത്രിയുടെ ബാങ്ക് അക്കൗണ്ടുകള്‍ മരവിപ്പിച്ചു
കൊള്ളക്കാരുടെ കൈയ്യില്‍ കത്തികളും മാരകായുധങ്ങളും ഉണ്ടായിരുന്നു. സംഭവത്തിൽ യാത്രക്കാരില്‍ ഒരാള്‍ക്ക് പരിക്കേറ്റതായാണ് സൂചന. അതേസമയം കൊള്ളയടിക്കപ്പെട്ട യാത്രക്കാര്‍ ന്യൂഡല്‍ഹി റെയില്‍വേ സ്റ്റേഷനിലും റെയില്‍വേ പോലീസിലും പരാതി നല്‍കിയിട്ടുണ്ട്.
Post Your Comments