ഷോപ്പിംഗ് മാളിലുണ്ടായ തീപിടുത്തത്തില്‍ 57 പേര്‍ക്ക് ദാരുണമായ മരണം. നാല് നിലയുള്ള കെട്ടിടത്തിന്റെ മുകളിലത്തെ നില പൂര്‍ണമായും കത്തി നശിച്ചു. റഷ്യന്‍ നഗരമായ കെമെറോവൊയിലെ ഷോപ്പിംഗ് മാളിലാണ് സംഭവം. നൂറോളം പേരെ രക്ഷിച്ചെന്നും ഇനിയും നിരവധിപേര്‍ മാളില്‍ കുടുങ്ങി കിടക്കുന്നുവെന്നുമാണ് വിവരം.
Also Read : ദുബായിയിലെ ഷോപ്പിംഗ് കേന്ദ്രത്തിൽ വൻ തീപിടുത്തം
മാളിനുള്ളിലെ മള്‍ട്ടിപ്ലക്സ് തീയേറ്ററില്‍ അകപ്പെട്ടവരാണ് മരിച്ചവരിലധികവും. തീപിടിത്തതില്‍ തീയേറ്ററിന്റെ മേല്‍ക്കൂര തകര്‍ന്ന് വീണത് അപകടത്തിന്റെ ആഘാതം വര്‍ധിപ്പിച്ചു. മുകളിലെ നിലകളില്‍ നിന്ന് താഴേക്ക് ചാടി പരിക്കേറ്റവരെയടക്കം പരിക്കുകളോടെ ആശുപത്രികളില്‍ പ്രവേശിപ്പിച്ചിരിക്കുകയാണ്.
57 പേരുടെ മരണമാണ് ഇതുവരെ സ്ഥിരീകരിച്ചിട്ടുള്ളത്. എന്നാല്‍ മരണസംഘ്യ ഉയര്‍ന്നേക്കുമെന്നാണ് വിലയിരുത്തല്‍. പരിക്കേറ്റവരില്‍ നിരവധി പേര്‍ ഗുരുതരാവസ്ഥയിലാണ്. തീപിടിത്തത്തിന്റെ കാരണം വ്യക്തമായിട്ടില്ല.
Post Your Comments