ന്യൂലാന്‍ഡ്സില്‍ നടന്ന മൂന്നാം ട്വന്റി 20 ക്രിക്കറ്റ് മത്സരത്തില്‍ ഇന്ത്യ ഏഴ് റണ്‍സിന് ആതിഥേയരെ തോല്പിച്ച്‌ തുടര്‍ച്ചയായ പരമ്പര കൈക്കലാക്കി(21). അവസാന പന്തുവരെ പോരാട്ടവീര്യം നിറഞ്ഞ പരമ്പരയിലെ മൂന്നാമത്തെയും അവസാനത്തെയും കളിയില്‍ ഇന്ത്യ ഏഴു റണ്ണിന്റെ വിജയം സ്വന്തമാക്കി. ഒന്നാം ട്വന്റി20 ഇന്ത്യയും രണ്ടാം മത്സരം ദക്ഷിണാഫ്രിക്കയും സ്വന്തമാക്കിയപ്പോള്‍ ഫലത്തില്‍ കലാശപ്പോരായിമാറുകയായിരുന്നു അവസാനമത്സരം.
നേരത്തെ ഇന്ത്യ ഏകദിന പരമ്പര(51) നേടിയിരുന്നു. ദക്ഷിണാഫ്രിക്കന്‍ പര്യടനത്തിലെ ഇന്ത്യയുടെ അവസാന മത്സരമായിരുന്നു ഇത്. മികച്ച ഓള്‍റൗണ്ട് പ്രകടനം കാഴ്ചവെച്ച സുരേഷ് റെയ്നയാണ് (43 റണ്‍സ്, 1 വിക്കറ്റ്) കളിയിലെ കേമന്‍. പരമ്പരയുടെ താരമായി ഭുവനേശ്വര്‍ കുമാര്‍ തിരഞ്ഞെടുക്കപ്പെട്ടു. ശിഖര്‍ധവാന്റെയും (47) റെയ്നയുടെയും രണ്ടാം വിക്കറ്റ് കൂട്ടുകെട്ടാണ് ഇന്ത്യയെ മികച്ച സ്കോറിലേക്കെത്തിച്ചത്.
Post Your Comments