യഥാര്‍ത്ഥ ജീവിതത്തില്‍ നായകന്മാാരെ കാണാന്‍ സാധിക്കുക വളരെ വിരളമാണ്. എന്നാല്‍ മൂന്നാം നിലയില്‍ നിന്നും താഴേക്ക് വീണ കുട്ടിയ രക്ഷപെടുത്തി യഥാര്‍ത്ഥ നായകനായിരിക്കുകയാണ് ഒരു പോലീസ് ഉദ്യോഗസ്ഥന്‍. ഈജിപ്ത് ഇന്റീരിയര്‍ മിനിസ്റ്ററിയാണ് ഇതിന്റെ സിസി ടിവി ഫൂട്ടേജ് പുറത്ത് വിട്ടിരിക്കുന്നത്. അഞ്ച് വയസുള്ള കുട്ടിയുടെ ജീവനാണ് ഉദ്യോഗസ്ഥന്‍ രക്ഷിച്ചത്. സംഭവത്തിന്റെ വീഡിയോ ഇപ്പോള്‍ നവമാധ്യമങ്ങളില്‍ വൈറലാണ്.
അപ്പാര്‍ട്‌മെന്റിന്‍െ മൂന്നാം നിലയിലെ ബാല്‍ക്കണിയില്‍ തൂങ്ങിക്കിടന്ന കുട്ടി താഴേക്ക് വീണപ്പോള്‍ പിടിച്ചെടുത്താണ് പോലീസ് ഉദ്യോഗസ്ഥന്‍ രക്ഷിച്ചത്. ബാങ്കിന് സുരക്ഷ ഒരുക്കിയിരുന്ന പോലീസ് ഉദ്യോഗസ്ഥന്‍ യാദൃശ്ചികമായി ഇത് കാണുകയും കുട്ടിയെ രക്ഷിക്കുകയുമായിരുന്നു.
സംഭവം ശ്രദ്ധയില്‍ പെട്ട ഉടന്‍ തന്നെ കുട്ടിയെ രക്ഷിക്കാനായി ഉദ്യോഗസ്ഥന്‍ എത്തുകയായിരുന്നു. ഇദ്ദേഹത്തിന് ഒപ്പമുണ്ടായിരുന്ന മറ്റൊരു ഉദ്യോഗസ്ഥന്‍ കാര്‍പ്പെറ്റുമായി രക്ഷപെടുത്താന്‍ എത്തിയപ്പോഴേക്കും കുട്ടി താഴേക്ക് വീണിരുന്നു. തുടര്‍ന്ന് ആദ്യം എത്തിയ ഉദ്യോഗസ്ഥന്‍ താഴേക്ക് വീണ കുട്ടിയെ പിടിച്ചെടുക്കുകയായിരുന്നു. ഇരുവരും നിലത്തേക്ക് വീണെങ്കിലും കാര്യമായ പരുക്കള്‍ ഒന്നും സംഭവിച്ചിട്ടില്ല.
Post Your Comments