വില്ലനായത് ത്രികോണ പ്രണയം: നഗരമധ്യത്തിലെ കൊലപാതകത്തിന്റെ ചുരുളഴിയുന്നു

കൊ​ച്ചി•കാമുകി തന്നെ ഒഴിവാക്കി സുഹൃത്തുമായി പ്രണയത്തിലായതാണ് ന​ഗ​ര​മ​ധ്യ​ത്തി​ൽ സു​ഹൃ​ത്തി​നെ ഇരുമ്പ് വടി കൊണ്ട് അടിച്ചു കൊലപ്പെടുത്തുന്നത്തിലേക്ക് നയിച്ചതെന്ന് പോലീസ്. ഗാ​ന്ധി​ന​ഗ​റി​ൽ ചാ​യ​ക്ക​ട ന​ട​ത്തു​ന്ന ഉ​ദ​യാ കോ​ള​നി നി​വാ​സി വി​നോ​യ് കു​മാ​ര്‍ എന്ന കുട്ടന്‍ (37) ആണ് കഴിഞ്ഞ ദിവസം കൊല്ലപ്പെട്ടത്. സംഭവത്തില്‍ ഇയാളുടെ സുഹൃത്തും ബ​ലാ​ത്സം​ഗം ഉ​ൾ​പ്പെ​ടെ നി​ര​വ​ധി കേ​സു​ക​ളി​ൽ പ്ര​തി​യും കി​സാ​ൻ കോ​ള​നി നി​വാ​സി​യു​മാ​യ അ​ജി​ത് ആ​ന്‍റ​ണി(27)​യെ കഴിഞ്ഞദിവസം പോലീസ് അറസ്റ്റ് ചെയ്തിരുന്നു. ഒ​രു സ്ത്രീ​യെ ചൊ​ല്ലി​യു​ണ്ടാ​യ ത​ർ​ക്ക​ത്തെ​ത്തു​ട​ർ​ന്നു ഇ​ന്ന​ലെ വൈ​കി​ട്ട് അ​ഞ്ചോ​ടെ വി​നോ​യ്കു​മാ​റി​ന്‍റെ ചാ​യ​ക്ക​ട​യ്ക്കു​ള്ളി​ൽ​വ​ച്ചാ​യി​രു​ന്നു കൊ​ല​പാ​ത​കം. അറസ്റ്റ് രേഖപ്പെടുത്തിയ പ്രതിയെ ഇന്ന് കോടതിയില്‍ ഹാജരാക്കും.

വി​നോ​യി​ക്കും അ​ജി​ത്തി​നും ഒ​രു സ്ത്രീ​യു​മാ​യി ബ​ന്ധ​മു​ണ്ടാ​യി​രു​ന്നു. ഇ​രു​വ​രു​ടെ​യും കാ​മു​കി​യാ​യ അ​വ​ർ ഇ​പ്പോ​ൾ വി​ദേ​ശ​ത്താ​ണ്. വി​നോ​യി​യു​മാ​യി ബ​ന്ധം തു​ട​രു​ന്നു​ണ്ടെ​ങ്കി​ലും അ​ജി​ത്തി​നെ ഒ​ഴി​വാ​ക്കി. ഇ​തു വൈ​രാ​ഗ്യ​ത്തി​നി​ട​യാ​ക്കിയെന്നു പോലീസ് പറഞ്ഞു.

ഇ​വ​രു​ടെ ബ​ന്ധ​ത്തെ​ക്കു​റി​ച്ച് ചോ​ദി​ക്കാ​നാ​ണ് അ​ജി​ത് ബൈ​ക്കി​ൽ വി​നോ​യി​യു​ടെ ചാ​യ​ക്ക​ട​യി​ലെ​ത്തി​യ​ത്. തു​ട​ർ​ന്നു​ണ്ടാ​യ ത​ർ​ക്ക​ത്തെ​തു​ട​ർ​ന്ന് അ​ജി​ത് ഇരുമ്പ് വി​നോ​യി​യു​ടെ ത​ല​യ്ക്ക​ടി​ക്കു​ക​യും ക​ഴു​ത്തി​നു കു​ത്തു​ക​യു​മാ​യി​രു​ന്നു. സം​ഭ​വം​ക​ണ്ട് ഓ​ടി​ക്കൂ​ടി​യ നാ​ട്ടു​കാ​രും പോ​ലീ​സും വി​നോ​യി​യെ ഉ​ട​ൻ സ​മീ​പ​ത്തെ സ്വ​കാ​ര്യ ആ​ശു​പ​ത്രി​യി​ൽ എ​ത്തി​ച്ചെ​ങ്കി​ലും ര​ക്ഷി​ക്കാ​നാ​യി​ല്ല.

കൊ​ല​പാ​ത​ക​ത്തി​നു​ശേ​ഷം ബൈ​ക്കി​ൽ ക​ട​ന്ന അ​ജി​ത്തി​നെ അ​ര മ​ണി​ക്കൂ​റി​നു​ള്ളി​ൽ ത​മ്മ​നം കി​സാ​ൻ കോ​ള​നി​യി​ൽ​നി​ന്നാ​ണു പോ​ലീ​സ് പി​ടി​കൂ​ടി​യ​ത്.

സി​റ്റി പോ​ലീ​സ് ക​മ്മീ​ഷ​ണ​ർ എം.​പി. ദി​നേ​ശി​ന്‍റെ നി​ർ​ദേ​ശ​പ്ര​കാ​രം എ​സി​പി ലാ​ൽ​ജി, സെ​ൻ​ട്ര​ൽ സി​ഐ അ​ന​ന്ത​ലാ​ൽ, എ​സ്ഐ​മാ​രാ​യ ജോ​സ​ഫ് സാ​ജ​ൻ, പൗ​ലോ​സ്, എ​എ​സ്ഐ​മാ​രാ​യ ജോ​സ​ഫ്, മോ​ഹ​ന​ൻ, സി​വി​ൽ പോ​ലീ​സ് ഓ​ഫീ​സ​ർ​മാ​രാ​യ ഷാ​ജി, സു​രേ​ഷ്, മ​നോ​ജ് എ​ന്നി​വ​ർ ചേ​ർ​ന്നാ​ണു പ്ര​തി​ക​ളെ പി​ടി​കൂ​ടി​യ​ത്. ജ​ന​റ​ൽ ആ​ശു​പ​ത്രി മോ​ർ​ച്ച​റി​യി​ൽ സൂ​ക്ഷി​ച്ചി​രി​ക്കു​ന്ന മൃ​ത​ദേ​ഹം പോ​സ്റ്റ​മോ​ർ​ട്ട​ത്തി​നു​ശേ​ഷം ഇ​ന്നു ബ​ന്ധു​ക്ക​ൾ​ക്കു വി​ട്ടു​കൊ​ടു​ക്കും.