ഇസ്ലാമാബാദ്: കവർച്ച ശ്രമം പാകിസ്ഥാനിൽ വ്യാപാരികൾ കൊല്ലപ്പെട്ടു. പാക്കിസ്ഥാനിലെ സിന്ധ് പ്രവശ്യയിലെ തർപർക്കാർ ജില്ലയിൽ ധാന്യ വ്യാപാരികളും സഹോദരങ്ങളുമായ ദിലീപ് കുമാർ, ചന്ദർ മഹേശ്വരി എന്നിവരെയാണ് കവർച്ചക്കാർ കൊലപ്പെടുത്തിയത്.
പ്രദേശത്തെ മാർക്കറ്റിൽ സ്ഥിതി ചെയ്യുന്ന ഇവരുടെ വ്യാപാര സ്ഥാപനം തുറക്കാൻ എത്തിയപ്പോഴായിരുന്നു ആക്രമണം ഉണ്ടായത്. ബൈക്കിലെത്തിയ കവർച്ച സംഘം ഇവരുടെ പണം തട്ടിയെടുക്കാൻ ശ്രമിച്ചു. സഹോദരങ്ങൾ എതിർത്തതോടെ ഇവരെ വെടിവെക്കുകയായിരുന്നെന്നു പോലീസ് പറഞ്ഞു.
Read also ;ജയിലില്‍ കഴിയുന്ന നൂറിലേറെ ഇന്ത്യന്‍ മത്സ്യത്തൊഴിലാളികളെ പാകിസ്ഥാന്‍ മോചിപ്പിച്ചു
സംഭവത്തെ തുടർന്ന് ഹിന്ദു ഭൂരിപക്ഷമായ പ്രദേശത്തെ വ്യാപര സ്ഥാപനങ്ങളെല്ലാം അടച്ച് പ്രദേശവാസികൾ പ്രതിഷേധിക്കുകയും പ്രധാന റോഡുകൾ ഉപരോധിക്കുകയും ചെയ്തു. പാക്കിസ്ഥാനിലെ ഏറ്റവും ശാന്തമായ പ്രദേശങ്ങളിൽ ഒന്നായ തർപർക്കാറിൽ ഇത്തരമൊരു സംഭവം ഇവിടെ ആദ്യമാണെന്നു പ്രാദേശിക മാധ്യമങ്ങൾ റിപ്പോർട്ട് ചെയ്യുന്നു.
Post Your Comments