രാത്രിയും പകലും തമ്മിലുള്ള അന്തരം കുറയുന്നു

രാത്രിയും പകലും തമ്മിലുള്ള അന്തരം കുറയുമെന്ന് പഠനറിപ്പോർട്ട്. കുറച്ചു വർഷങ്ങൾ കൂടി പിന്നിടുമ്പോൾ സൂര്യൻ അസ്​തമിച്ചാലും പകൽ അവശേഷിക്കുമെന്നാണ്​ സയൻസ്​ അഡ്വാൻസ്​ എന്ന ജേർണലിൽ വ്യക്തമാക്കുന്നത്. സാറ്റലൈറ്റ്​ ചിത്രങ്ങൾ അടിസ്ഥാനമാക്കിയുള്ള പഠനത്തിലാണ് ഇക്കാര്യങ്ങൾ വ്യക്തമാക്കിയിരിക്കുന്നത്. ഭൂമിയിലെ ഏറ്റവും ജനസാന്ദ്രതയുള്ള പ്രദേശങ്ങളിൽ കൃത്രിമ വെളിച്ചം മൂലം രാത്രിയായി അനുഭവപ്പെടുന്നില്ലെന്നും 2012 -2016 വർഷങ്ങളിൽ ഭൗമോപരിതലത്തിലെ കൃത്രിമ വെളിച്ച മേഖലയുടെ വ്യാപ്​തി 2.2 ശതമാനം​​ വീതം ഒരോ വർഷവും വർധിക്കുന്നുവെന്നും ജർമൻ റിസർച്ച്​ സ​​​െൻറ്​ ഫോർ ജിയോ സയൻസിലെ ഗവേഷകർ കണ്ടെത്തി.

ജനവാസ മേഖലകളിൽ ഒൗട്ട്​ഡോർ ലൈറ്റിങ്​ വർധിച്ചുകൊണ്ടിരിക്കുന്നതാണ്​ ഭൗമോപരിതലത്തിലെ കൃത്രിമവെളിച്ച മേഖലയുടെ വ്യാപ്​തി വർധിക്കുന്നതിന്​ കാരണമാകുന്നത്. എൽ.ഇ.ഡി ലൈറ്റുകളിൽ നിന്നുള്ള പ്രകാശം കൂടി കണക്കാക്കാനായാൽ ഭൗമോപരിതലത്തിലെ പ്രകാശ മേഖലയുടെ അളവ്​ ഇതിലും കൂടുതലായിരിക്കുമെന്നും ജേർണൽ എഡിറ്റർ കിപ്​ ഹോഡ്​ജെസ്​ പറയുന്നു. തീ​വ്രത കുറഞ്ഞ വെളിച്ചമാണെങ്കിലും ഭൂമിയെ പ്രകാശപൂരിതമാക്കുന്നത്​ എൽ.ഇ.ഡി വെളിച്ച സംവിധാനങ്ങളാണ്​. ഇത്തരത്തിൽ വെളിച്ചമില്ലാത്ത ഇടങ്ങൾ കുറഞ്ഞ്​ പകലുമായി അന്തരമില്ലാതെ മാറുമെന്നാണ് ഗവേഷകർ കണ്ടെത്തിയിരിക്കുന്നത്.