ന്യൂ ഡൽഹി ; പോലീസുകാർക്ക് നേരെ വെടിവെപ്പ്. ചൊവ്വാഴ്ച്ച രാവിലെ ഡൽഹിയിലെ ദ്വാരക എന്ന സ്ഥലത്ത് റെയ്‌ഡിനെത്തിയ പഞ്ചാബ്-ഡൽഹി പോലീസ് സഖ്യത്തിന് നേരെയാണ് ആക്രമികൾ വെടിയുതിർത്തത്. സംഭവത്തിൽ ആർക്കും പരിക്കേറ്റിട്ടില്ല. വൻ ആയുധങ്ങളോടെ അഞ്ചു പേരെ പോലീസ് പിടികൂടി.
ഒളിവിൽ കഴിഞ്ഞിരുന്ന കൊടുംകുറ്റവാളിയെ പിടികൂടാനായിരുന്നു മൊഹാലിയിൽ നിന്നുള്ള പോലീസ് സംഘം ഇവിടെ എത്തിയത്. സമീപത്തെ കടയിൽ ചെന്ന് വിവരങ്ങൾ തിരക്കവേ കടയിലുണ്ടായിരുന്ന മറ്റൊരാൾ പോലിസിന് നേരെ വെടിയുതിർക്കുകയായിരുന്നു. തുടർന്ന് മറ്റു കുറ്റവാളികൾ കൂടി എത്തിയതോടെയാണ് പ്രദേശത്ത് വൻ വെടിവെപ്പ് നടന്നത് എന്ന് പോലീസ് അറിയിച്ചു. അതേസമയം ആരെയാണ് പിടികൂടാൻ എത്തിയതെന്നോ പിടികൂടിയ അഞ്ചു പേരുടെ പേര് വിവരങ്ങളോ പോലീസ് പുറത്ത് വിട്ടിട്ടില്ല.
Post Your Comments