കൊച്ചി: സിനിമ–സീരിയൽ ലൊക്കേഷനിൽ കഞ്ചാവ് വിതരണം സജീവം. ഏഴു കിലോ കഞ്ചാവുമായി മൂന്നു യുവാക്കൾ പിടിയിൽ. സിനിമ – സീരിയൽ രംഗത്തേക്കു വിതരണം ചെയ്യാനെത്തിച്ച കഞ്ചാവുമായിട്ടാണ് യുവാക്കൾ പിടിയിലായത്. പിടിയിലായത് ആന്ധ്ര, ഒഡീഷ വനപ്രദേശങ്ങളിൽനിന്ന് ഇടനിലക്കാരില്ലാതെ കഞ്ചാവു ശേഖരിച്ചിരുന്നവരാണ്. ഇവരുമായി ബന്ധപ്പെട്ട സിനിമ – സീരിയൽ രംഗത്തുള്ളവരെക്കുറിച്ച് അന്വേഷണം തുടങ്ങിയതായി പൊലീസ് പറഞ്ഞു.
പൊലീസിന്റെ പിടിയിലായത് സ്ഥിരമായി കൊച്ചിയിലേക്കു വൻതോതിൽ കഞ്ചാവു കടത്തിയിരുന്ന യുവാക്കളാണ്. അറസ്റ്റു ചെയ്തത് വയനാട് കൽപ്പറ്റ സ്വദേശികളായ ഇജാസ്, നൗഷീർ, ചേർത്തല സ്വദേശി അനസ് എന്നിവരെയാണ്.
ഇവർ കൊച്ചിയിലെ സിനിമ – സീരിയൽ രംഗത്തേക്കാണ് കഞ്ചാവ് എത്തിച്ചിരുന്നതെന്നു പൊലീസ് പറഞ്ഞു. ഇവർ കഞ്ചാവ് ശേഖരിച്ചിരുന്നത് ആന്ധ്ര, ഒഡീഷ അതിർത്തിയിലെ വനപ്രദേശങ്ങളിൽ കഞ്ചാവ് കൃഷി ചെയ്യുന്നവരിൽനിന്ന് ഇടനിലക്കാരില്ലാതെ നേരിട്ടാണ്. ഇവർ കഞ്ചാവ് എടുത്തിരുന്നത് അതിർത്തി ജില്ലയായ റായ്ഗഡയിലെ മട്ടിഗോണ, ലക്ഷ്മിപൂർ, കണ്ഡേശ്വർ എന്നീ ഗ്രാമങ്ങളിൽനിന്നാണ്.
Post Your Comments