തെരഞ്ഞെടുപ്പ് തിയ്യതി പ്രഖ്യാപിച്ചിട്ടില്ലെങ്കിലും ഗുജറാത്തിൽ ബിജെപി കോൺഗ്രസ് പോരാട്ടം തുടങ്ങി കഴിഞ്ഞു. സമൂഹ മാധ്യമങ്ങൾ വഴിയാണ് ഇരുവരും പോർവിളികൾ നടത്തുന്നത്. വൈ ദിസ് കൊലവെറി പാട്ടിന്റെ വരികള്‍ മാറ്റി കോൺഗ്രസ് ബിജെപിയ്‌ക്കെതിരെ പ്രചരണം നടത്തിയിരുന്നു. ഇതിനുള്ള മറുപടിയുമായി ബിജെപി രംഗത്തെത്തി കഴിഞ്ഞു.
2015 ലോക കപ്പില്‍ ഇന്ത്യ-പാക് മത്സരത്തിന് ആവേശം പകരാന്‍ സ്റ്റാര്‍ സ്‌പോര്‍ട്‌സ് ഇറക്കിയ പരസ്യം കടമെടുത്താണ് ബിജെപി കോണ്‍ഗ്രസിന് മറുപടി നല്‍കുന്നത്.
2002ലെ ഗുജറാത്ത് തെരഞ്ഞെടുപ്പ് മുതലുള്ള കോണ്‍ഗ്രസിന്റെ തെരഞ്ഞെടുപ്പ് തോല്‍വികള്‍ കാട്ടിയാണ് മോക്കാ മോക്കാ പരസ്യം ബിജെപി ആയുധമാക്കുന്നത്. ബിജെപി നേതാവ് വിജയ് ചൗതയ്വാല ട്വീറ്റ് ചെയ്തതിന് പിന്നാലെ തന്നെ ബിജെപിയുടെ മോക്കാ മോക്കാ വേർഷൻ സമൂഹമാധ്യമങ്ങളില്‍ വൈറലായി കഴിഞ്ഞു.
Post Your Comments