കൊച്ചി: കഞ്ചാവു വിൽപ്പനയ്ക്കിടെ നിരവധി ക്രിമിനൽ കേസുകളിലെ പ്രതി പിടിയിൽ. തേവര മാർക്കറ്റിനു സമീപത്തുവച്ച് കോളജ് വിദ്യാർഥികൾക്കു കഞ്ചാവ് കൈമാറുന്നതിനിടെയാണ് യുവാവ് പോലീസ് പിടിയിലായത്.
750 ഗ്രാം കഞ്ചാവും ഇയാളിൽനിന്നു പോലീസ് പിടിച്ചെടുത്തു.
കൊച്ചി പോലീസ് കമ്മീഷണറുടെ നിർദേശപ്രകാരം ഷാഡോ പോലീസ് നടത്തിയ പരിശോധനയിലാണ് ഗൾഫ് മാർട്ടിൻ എന്ന മാർട്ടിൻ(49) പിടിയിലായത്. എറണാകുളം തൃശൂർ ജില്ലകളിലായി പന്ത്രണ്ടോളം കേസുകളിൽ പ്രതിയാണ് മാർട്ടിൻ. തമിഴ്നാട്ടിലെ നാമക്കലിൽനിന്നും കഞ്ചാവ് എത്തിച്ചായിരുന്നു ഇയാൽ വിൽപ്പന നടത്തിയിരുന്നത്.
ഗൾഫിൽ ജോലി ചെയ്തിരുന്ന ഇയാൾ നാട്ടിൽ തിരിച്ചെത്തി വൻ സാമ്പത്തിക ലാഭം ലക്ഷ്യമിട്ട് കഞ്ചാവ് മൊത്തവ്യാപാരത്തിലേയ്ക്ക് തിരിയുകയായിരുന്നു. കോളജ് വിദ്യാർഥികൾക്കായിരിന്നു പ്രധാനമായും കഞ്ചാവ് നൽകിയിരുന്നത്. വിദ്യാർഥകളെ ചോദ്യം ചെയ്തതിൽനിന്നുമാണ് മാർട്ടിനെക്കുറിച്ച് പോലീസിനു വിവരം ലഭിച്ചത്. തുടർന്നു പോലീസ് നടത്തിയ അന്വേഷണത്താണ് മാർട്ടിനെ പിടികൂടിയത്.
Post Your Comments