കോട്ടയം: മാങ്ങാനത്ത് മൃതദേഹം വെട്ടിനുറുക്കി ചാക്കുകളിലാക്കിയ നിലയില്‍ കണ്ടെത്തി. റോഡിനു സമീപത്തെ ആളൊഴിഞ്ഞ പുരയിടത്തിനോടു ചേര്‍ന്നുള്ള ഓടയില്‍ നിന്നാണ് മൃതദേഹം കണ്ടെത്തിയത്. സമീപത്തെ താമസക്കാരാണ് മൃതദേഹം ആദ്യം കണ്ടത്. പല ഭാഗങ്ങളായാണ് മനുഷ്യശരീരം വെട്ടി നുറുക്കിയ നിലയിൽ കണ്ടെത്തിയത്. അരയ്ക്ക് താഴെ മുറിച്ച നിലയിലാണ് മൃതദേഹം.
അഴുകി തുടങ്ങിയ മൃതദേഹത്തിന്റെ രണ്ട് കാലുകളാണ് ആദ്യം കാണപ്പെട്ടത്. പിന്നീട് പോലീസ് നടത്തിയ തെരച്ചിലിൽ ശരീരത്തിന്റെ ബാക്കി ഭാഗങ്ങള്‍ വെട്ടി നുറുക്കപ്പെട്ട നിലയില്‍ മറ്റൊരു ചാക്കില്‍ കാണപ്പെട്ടു. ആളിനെ തിരിച്ചറിയാന്‍ ആയിട്ടില്ല. പുരുഷന്റെ മൃതദേഹമാണ്.മൃതദേഹത്തിന് ഒരു ദിവസത്തെ പഴക്കമുണ്ടെന്നാണ് പോലീസ് നിഗമനം. പോലീസ് അന്വേഷണം തുടരുകയാണ്.
Post Your Comments