ഇന്ത്യയുടെ എക്കാലത്തെയും മികച്ച് ഓപ്പണര്‍ വീരേന്ദര്‍ സേവാഗ് വീണ്ടും ക്രീസിലേക്ക് മടങ്ങിയെത്തുന്നു. വെടിക്കെട്ട് വീരനായ വീരുവിന്റെ തകര്‍പ്പന്‍ പ്രകടനം ക്രിക്കറ്റ് പ്രേമികള്‍ക്ക് വീണ്ടും ആസ്വാദിക്കാനുള്ള അവസരം കൈവരുന്നത് യു എ ഇയില്‍ ആരംഭിക്കുന്ന ടെന്‍ 10 ക്രിക്കറ്റ് ലീഗിലാണ്.
ക്രിക്കറ്റിന്റെ ഏറ്റവും പുതിയ പതിപ്പാണ് ടെന്‍ 10 ക്രിക്കറ്റ് പരമ്പര. ഒന്നര മണിക്കൂര്‍ മാത്രമായിരിക്കും മത്സരങ്ങളുടെ ദൈര്‍ഘ്യം. സെവാഗിനൊപ്പം വമ്പനടിക്കാരായ ക്രിസ് ഗെയ്ല്‍, ഷാഹിദ് അഫ്രീദി എന്നിവരും യു എ ഇയില്‍ ബാറ്റുവീശുമ്പോള്‍ ക്രീസില്‍ തീപ്പാറുമെന്ന് ഉറപ്പ്. ഡിസംബര്‍ 21 മുതല്‍ 24 വരെയാണ് ഇത്തവണ കളികള്‍. യു എ ഇയില്‍ വെച്ച് തന്നെയാകും താരലേലവും നടക്കുക. ട്വന്റി 20 ക്രിക്കറ്റിന് ലോകമ്പോടും ലഭിച്ച സ്വീകാര്യതയാണ് തങ്ങളെ ടെന്‍ ക്രിക്കറ്റ് ലീഗിലേക്ക് നയിച്ചതെന്ന് ടി സി എല്‍ പ്രസിഡണ്ട് ഷാജി ഉല്‍ മുല്‍ക് പറഞ്ഞു.
Post Your Comments