ദുബായ്•ദുബായ് പോലീസ് തങ്ങളുടെ ജോലിയ്ക്ക് പുറത്തേക്ക് പോകുന്നതിന് ഒരു ഉദാഹരണം കൂടി. തിരക്കേറിയ ഒരു റോഡില്‍ നിന്നുപോയ ഒരു കാറിനെ തള്ളിമാറ്റുകയാണ് ഒരു പോലീസുകാരന്‍. ഇന്‍സ്റ്റാഗ്രാമില്‍ പോസ്റ്റ്‌ ചെയ്ത വീഡിയോയില്‍ ഒരു പോലീസുകാരന്‍ മറ്റൊരാളുടെ സഹായത്തോടെ കാര്‍ തള്ളി നീക്കുന്നത് കാണാം. അല്‍-വസലിന് സമീപമാണ് സംഭവം. ഒരു പോലീസ് പട്രോള്‍ വാഹനം ഇവരെ പിന്തുടരുന്നതും വീഡിയോയില്‍ കാണാം.
ഒരു മണിക്കൂര്‍ കൊണ്ട് 40,000 ത്തിലേറെ പേരാണ് വീഡിയോ കണ്ടത്. ദുബായ് പോലീസിന്റെ സേവനത്തെ പുകഴ്ത്തി നിരവധി പേര്‍ കമന്റുകളും ഇട്ടിട്ടുണ്ട്. ദുബായ് പോലീസിന്റെ ഈ ഗുണങ്ങളാണ് അവരെ ലോകത്തിലെ ഏറ്റവും നല്ല സേനയാക്കുന്നതെന്നും ദുബായ് നഗരത്തെ ജീവിക്കാന്‍ കൊള്ളാവുന്ന ഏറ്റവും നല്ല നഗരമാക്കുന്നതെന്നും ഒരാള്‍ കുറിച്ചു.
വീഡിയോ കാണാം
Post Your Comments