തിരുവനന്തപുരം: തിരുവനന്തപുരം വിമാനത്താവളത്തില്‍ വന്‍ സ്വര്‍ണ വേട്ട. സ്വര്‍ണം കൊണ്ട് ബെല്‍റ്റിന്റെ ഹൂക്ക് ഉണ്ടാക്കി സ്റ്റീല്‍ പ്ലേറ്റ് ചെയ്ത് ബാഗില്‍ കടത്തിയ സ്വര്‍ണം എയര്‍പോര്‍ട്ടില്‍ കസ്റ്റംസ് ഉദ്യോഗസ്ഥര്‍ പിടികൂടുകയായിരുന്നു. ബാഗ് പരിശോധിക്കുമ്പോള്‍ കണ്ട ബെല്‍റ്റുകളില്‍ സംശയം തോന്നിയ ഉദ്യോഗസ്ഥര്‍ സംശയം തോന്നി ബാഗ് പരിശോധിക്കുകയായിരുന്നു. പുലര്‍ച്ചെ അബുദാബിയില്‍ നിന്നെത്തിയ എയര്‍ ഇന്ത്യ വിമാനത്തില്‍ എത്തിയ യാത്രക്കാരില്‍ നിന്നാണ് സ്വര്‍ണം പിടികൂടിയത്. സ്വര്‍ണ വേട്ടയുമായി ബന്ധപ്പെട്ട് തിരുവനന്തപുരം പൂന്തുറ സ്വദേശികളായ രണ്ടുപേര്‍ പിടിയിലായി. രണ്ട് ബാഗുകളുടെ അകത്താക്കിയാണ് സ്വര്‍ണം സൂക്ഷിച്ചിരുന്നത്. വിപണിയില്‍ 35 ലക്ഷം രൂപയോളം വില വരുന്നതാണ് പിടികൂടിയ സ്വര്‍ണം.
Post Your Comments