ആറ്റ്ലി ഒരുക്കുന്ന പുതിയ ചിത്രം മേര്‍സലില്‍ ആരാധകരെ ഞെട്ടിക്കാന്‍ തയ്യാറെടുക്കുകയാണ് വിജയ്. ചിത്രത്തില്‍ മൂന്നു വേഷങ്ങളില്‍ വിജയ് എത്തുന്നുവെന്നാണ് സൂചന. വിജയുടെ പിറന്നാള്‍ ദിനത്തില്‍ സിനിമയുടെ പേര് പ്രഖ്യാപിച്ചതിനൊപ്പം രണ്ട് കഥാപാത്രങ്ങളുടെ ചിത്രങ്ങളും പുറത്തുവിട്ടിരുന്നു. തെലുങ്കിലും റിലീസിനെത്തുന്ന ചിത്രത്തിന്റെ സാറ്റലൈറ്റ് അവകാശം 30 കോടി രൂപയ്ക്കാണ് സി ടിവി സ്വന്തമാക്കിയിരിക്കുന്നത്.
കെവി വിജയേന്ദ്ര പ്രസാദാണ് ചിത്രത്തിന്റെ തിരക്കഥ രചിച്ചിരിക്കുന്നത്. എ.ആര്‍ റഹ്മാന്‍ സംഗീതസംവിധാനം നിര്‍വ്വഹിച്ചിക്കുന്ന ചിത്രത്തിന് അദിരിന്ദി എന്നാണ് തെലുങ്കില്‍ പേരിട്ടിരിക്കുന്നത്.
നിത്യ മേനോന്‍, സാമന്ത, കാജല്‍ അഗര്‍വാള്‍ എന്നിവരാണ് ചിത്രത്തിലെ നായികമാരായി എത്തുന്നത്. നടനും സംവിധായകനുമായ എസ്ജെ സൂര്യയാണ് വില്ലനായി വേഷമിടുന്നു. സത്യരാജ്, വടിവേലു എന്നിവരാണ് മറ്റ് പ്രധാന താരങ്ങള്‍.
Post Your Comments