ഇസ്ലാമാബാദ്: ശത്രുക്കളെ നേരിടാന്‍ തങ്ങള്‍ ഏത് നിമിഷവും സജ്ജരാണെന്നും, ഓരോ ആക്രമണങ്ങളും വരും തലമുറ പോലും ഓര്‍മിക്കും വിധത്തിലായിരിക്കുമെന്നും ഇന്ത്യയ്ക്ക് പരോക്ഷ മുന്നറിയിപ്പുമായി പാകിസ്ഥാൻ. അതിര്‍ത്തിയില്‍ തുടര്‍ച്ചയായുണ്ടാകുന്ന പ്രകോപനങ്ങള്‍ക്ക് തക്കതായ മറുപടി നല്‍കുമെന്ന് പാക് വ്യോമസേന മേധാവി സൊഹൈല്‍ അമന്‍ പറഞ്ഞു. പാകിസ്ഥാന്റെ മിറാഷ് യുദ്ധവിമാനങ്ങള്‍ സിയാച്ചിന്‍ മേഖലയില്‍ പറത്തിയതിന് ശേഷമാണ് വ്യോമസേന മേധാവിയുടെ പ്രസ്‌താവന.
കഴിഞ്ഞ ദിവസം നൗഷേരയിലുണ്ടായ പാക് പ്രകോപനത്തിന് ഇന്ത്യ ശക്തമായ തിരിച്ചടി നൽകിയിരുന്നു. രജൗരി ജില്ലയിലെ നൗഷേര സെക്ടറിലെ പാക് സൈനിക പോസ്റ്റുകള്‍ ഇന്ത്യ തകര്‍ക്കുകയും, ആക്രമണത്തിന്റെ വീഡിയോ ദൃശ്യങ്ങള്‍ കരസേന പുറത്തുവിടുകയും ചെയ്തിരുന്നു. നൗഷേരയില്‍ നടന്ന ഭീകരാക്രണത്തില്‍ മൂന്ന് ജവാന്‍മാര്‍ വീരമൃത്യു വരിച്ചിരുന്നു.
Post Your Comments