കൊച്ചി: സിഎ വിദ്യാര്‍ത്ഥിനി മിഷേല്‍ മരിച്ചെന്ന വാര്‍ത്ത അറിഞ്ഞ ശേഷവും ക്രോണിൻ മിഷേലിന്റെ ഫോണിലേക്ക് മെസേജുകൾ അയച്ചിരുന്നതായി റിപ്പോർട്ട്. താനുമായി പ്രശ്നങ്ങള്‍ ഒന്നുമില്ലെന്ന് വരുത്തി തീര്‍ക്കാനാണ് ക്രോണിൻ മെസേജുകൾ അയച്ചതെന്നാണ് സൂചന. മരണ വിവരം അറിഞ്ഞ ശേഷം 12 മെസ്സേജുകളാണ് ക്രോണിന്‍ അയച്ചത്. പരിശോധനയില്‍ തലേ ദിവസവും അന്നുമായി അയച്ച 89 മെസ്സേജുകള്‍ ഡിലീറ്റ് ചെയ്തതായും കണ്ടെത്തി. എന്നാല്‍ ഈ മാസം ആറ്, ഏഴ്, എട്ട് തീയതികളില്‍ അയച്ച 12 മെസ്സേജുകള്‍ ഫോണില്‍ നിന്ന് പോലീസ് കണ്ടെടുത്തു.
അതേസമയം മിഷേല്‍ ഷാജിക്ക് കേസില്‍ ക്രോണിന്‍ അലക്സാണ്ടറുമായി അടുത്ത ബന്ധമുണ്ടെന്നു തെളിയിക്കുന്ന ചിത്രങ്ങള്‍ പോലീസിന് കിട്ടി. ഇരുവരും തമ്മില്‍ പ്രണയമായിരുന്നുവെന്നു സാധൂകരിക്കുന്ന ചിത്രങ്ങളാണ് പോലീസിനു ലഭിച്ചത്. ക്രോണിന്റെ ഫോണില്‍നിന്നാണ് കേസില്‍ നിര്‍ണായകമായ ഈ തെളിവുകള്‍ പോലീസിനു ലഭിച്ചത്.
Post Your Comments