ഭാര്യയെ സുഹൃത്തിന് കാഴ്ചവച്ച പ്രവാസി യുവാവ്‌ അറസ്റ്റില്‍

ഹൈദരാബാദ്•ഭാര്യയെ മയക്കുമരുന്ന് നല്‍കി മയക്കി സുഹൃത്തിന് കാഴ്ച വച്ച പ്രവാസി യുവാവിനെ തെലങ്കാന പോലീസ് അറസ്റ്റ് ചെയ്തു. ഓസ്ട്രേലിയയിൽ പി.ജി വിദ്യാർഥിയായ മുഹമ്മദ് സാലിമുദ്ദീൻ എന്നയളാണ് പിടിയിലായത്. 21 കാരിയായ യുവതിയുടെ പരാതിയുടെ അടിസ്ഥാനത്തിലാണ് നടപടി.

2016 ലാണ് സാലിമുദ്ദീൻ യുവതിയെ വിവാഹം കഴിച്ചത്. തുടര്‍ന്ന് ഓസ്ട്രേലിയിലേക്ക് പോയ ഇയാള്‍ ഭാര്യയോട് വീഡിയോ ചാറ്റില്‍ നഗ്നയായി വരന്‍ ആവശ്യപ്പെടാറുണ്ടായിരുന്നു. കൂടാതെ നഗ്ന ചിത്രങ്ങളും വിഡിയോയും അയച്ചുകൊടുക്കാനും ഇയാള്‍ ആവശ്യപ്പെട്ടിരുന്നു. മറ്റുവഴികള്‍ ഇല്ലാതെ യുവതി ഇത് അനുസരിക്കുകയായിരുന്നു.

ഫെബ്രുവരി 13 ന് ഇയാള്‍ നാട്ടിലെത്തിയ ഇയാള്‍ ഭാര്യയെ പ്രകൃതിവിരുദ്ധ ലൈംഗിക ബന്ധത്തിന് നിര്‍ബന്ധിക്കുന്നത് പതിവായിരുന്നു. ഏതാനും ദിവസം മുന്‍പ് സുഹൃത്തായ ചന്ദ് എന്ന യുവാവിനെയും കൂട്ടി വീട്ടിലെത്തിയ ഇയാള്‍, ഭാര്യക്ക് മയക്കുമരുന്ന് നല്‍കി മയക്കിയ ശേഷം സുഹൃത്തിന് കാഴ്ച വയ്ക്കുകയും ചെയ്തു. ഉറക്കമുണര്‍ന്നപ്പോഴാണ് ഇരുവരും ചേര്‍ന്ന് തന്നെ പീഡിപ്പിച്ച വിവരം യുവതി മനസിലാക്കുന്നത്. തുടര്‍ന്ന് യുവതി വീട്ടുകാരെ അറിയിച്ച ശേഷം പോലീസ് സ്റ്റേഷനില്‍ പരാതി നല്‍കുകയായിരുന്നു.