പാലക്കാട്: കൊച്ചിയില്‍ യുവനടിയെ തട്ടിക്കൊണ്ടുപോയി ആക്രമിച്ച കേസിലെ മുഖ്യപ്രതി പള്‍സര്‍ സുനിയെയും കൂട്ടുപ്രതി വിജീഷിനെയും പോലീസ് തെളിവെടുപ്പിനായി കോയമ്പത്തൂരിലേക്ക് കൊണ്ടുപോയി .പുലര്‍ച്ചെ നാലുമണിയോടെയാണ് പ്രതികളെയും കൊണ്ട് സംഘം തെളിവെടുപ്പിനായി കോയമ്പത്തൂരിലേയ്ക്ക് തിരിച്ചത്. ഒരു പോലീസ് ജീപ്പും വാനുമാണ് ഇവിടെ നിന്ന് പുറപ്പെട്ടിരിക്കുന്നത്. വാനിലാണ് പ്രതികള്‍ ഉള്ളത്.
കോയമ്പത്തൂരില്‍ പ്രതികള്‍ ഒളിവില്‍ താമസിച്ച ഇടങ്ങളിലും, ഇവിടെ നിന്നും ആരില്‍ നിന്നെല്ലാം സഹായങ്ങള്‍ ലഭിച്ചു തുടങ്ങിയ കാര്യങ്ങളില്‍ തെളിവെടുക്കും. പ്രതിയെ കൂടുതല്‍ ചോദ്യം ചെയ്യുന്നതിനും നിര്‍ണായക തെളിവുകള്‍ അടക്കം കണ്ടെത്തുന്നതിനുമായി പൊലീസ് നല്‍കിയ അപേക്ഷ പരിഗണിച്ചാണ് ആലുവ കോടതി ഇന്നലെ പ്രതികളെ പൊലീസ് കസ്റ്റഡിയില്‍ നല്‍കിയത്. മാര്‍ച്ച് അഞ്ചുവരെയാണ് പ്രതികളെ കസ്റ്റഡിയില്‍ നല്‍കിയത്.
Post Your Comments