5 സംസ്ഥാനങ്ങളിലെ തിരഞ്ഞെടുപ്പ് തീയതി പ്രഖ്യാപിച്ചു

ഡൽഹി: യു പി, പഞ്ചാബ്, ഉത്തരാഖണ്ഡ്, ഗോവ, മണിപ്പൂർ എന്നീ സംസ്ഥാനങ്ങളിലെ നിയമസഭാ തിരഞ്ഞെടുപ്പ് തീയതികൾ പ്രഖ്യാപിച്ചു. പഞ്ചാബിലും, ഗോവയിലും വോട്ടെടുപ്പ് ഫെബ്രുവരി 4 ന്. ഇവിടെ ഒറ്റഘട്ടമായിയാണ് തിരഞ്ഞെടുപ്പ് നടത്തുന്നത്. ഉത്തരാഖണ്ഡിൽ ഫെബ്രുവരി 15 ന് തിരഞ്ഞെടുപ്പ് നടത്തും. മണിപ്പൂരിൽ 2 ഘട്ടമായിട്ടാണ് വോട്ടെടുപ്പ് നടത്തുന്നത്. ആദ്യഘട്ടം മാർച്ച് 4 നും രണ്ടാം ഘട്ടം മാർച്ച് 8 ന് 22 മണ്ഡലങ്ങളിലായി നടത്തും. ഉത്തർപ്രദേശിൽ 7 ഘട്ടമായിയാണ് വോട്ടെടുപ്പ്. ഉത്തർപ്രദേശിൽ ഫെബ്രുവരി 11, 15, 19, 23,27, മാർച്ച് 4, മാർച്ച് 8 എന്നീ തിയ്യതികളിലായി നടത്തും. എല്ലാ സംസ്ഥാനങ്ങളിലും വോട്ടെണ്ണൽ മാർച്ച് 11 നു നടത്തും.