ന്യൂഡല്‍ഹി : പ്രധാനമന്ത്രി നരേന്ദ്ര മോദിയുടെ ഫക്കീര്‍ പരാമര്‍ശത്തെ പരിഹസിച്ച് ഡല്‍ഹി മുഖ്യമന്ത്രി അരവിന്ദ് കെജ്രിവാള്‍. ഉത്തര്‍പ്രദേശില്‍ നടത്തിയ പ്രസംഗത്തിനിടെ മോദി സ്വയം ‘ഫക്കീര്‍’ (ഭിക്ഷു) എന്നു വിശേഷിപ്പിച്ചതിനെയാണ് കെജ്രിവാള്‍ പരിഹസിച്ചത്.
‘മോദി സ്വയം ഫക്കീറെന്നു പറയുന്നു. പക്ഷേ, നിങ്ങള്‍ ദിവസവും നാലു പുതിയ ജോഡി വസ്ത്രങ്ങള്‍ ധരിക്കുന്നു. നിങ്ങള്‍ 10 ലക്ഷത്തിന്റെ കോട്ട് ധരിക്കുന്നു. ലോകം മുഴുവന്‍ യാത്രചെയ്യുന്നു. ജനങ്ങള്‍ക്ക് നിങ്ങളുടെ വാക്കിലുള്ള വിശ്വാസം നഷ്ടപ്പെട്ടു’. കെജ്രിവാള്‍ ട്വിറ്ററില്‍ കുറിച്ചു.
കള്ളപ്പണത്തിനെതിരെ സര്‍ക്കാര്‍ എടുത്ത നടപടിയെ ചോദ്യം ചെയ്യുന്നവര്‍ക്കെതിരെ സംസാരിക്കുമ്പോഴായിരുന്നു മോദിയുടെ പരാമര്‍ശം.നരേന്ദ്ര മോദി രാജ്യത്തെ ഇന്‍സ്റ്റിട്യൂഷനുകളെ കൊല്ലുകയാണെന്നും മറ്റൊരു ട്വീറ്റില്‍ കെജ്രിവാള്‍ ആരോപിച്ചു. ‘ ഈ പ്രധാനമന്ത്രി ഇന്‍സ്റ്റിട്യൂഷനുകളെ ഒന്നൊന്നായി കൊല്ലുകയാണ്. ആര്‍ബിഐ, സിബിഐ, സര്‍വകലാശാലകള്‍, ഒടുവില്‍ ഇപ്പോള്‍ നീതിന്യായ സംവിധാനത്തെയും. 65 വര്‍ഷം കൊണ്ട് ഇന്ത്യ നേടിയതെല്ലാംഅഞ്ചു വര്‍ഷം കൊണ്ട് മോദി ഇല്ലാതാക്കും’കെജ്രിവാള്‍ ട്വിറ്ററില്‍ ആരോപിച്ചു
Post Your Comments