ബഗോട്ട: കൊളംബിയയില്‍ വിമാനം തകര്‍ന്ന് ഫുട്‌ബോള്‍ താരങ്ങളടക്കം 72 പേര്‍ മരിച്ചു. ബൊളീവിയയില്‍ നിന്നും കൊളംബിയയിലേക്ക് വരികയായിരുന്നു വിമാനമാണ് തകര്‍ന്നത്. യാത്രക്കാരില്‍ ആരെങ്കിലും രക്ഷപ്പെട്ടിട്ടുണ്ടോ എന്ന കാര്യം വ്യക്തമല്ല. രക്ഷാപ്രവര്‍ത്തനം പുരോഗമിക്കുകയാണ്.
മെഡെലിന്‍ അന്താരാഷ്ട്ര വിമാനത്താവളത്തില്‍ നിന്നും കൊളംബിയയിലേക്ക് പുറപ്പെട്ട ചാര്‍ട്ടേര്‍ഡ് വിമാനമാണ് അപകടത്തില്‍പ്പെട്ടത്. നഗരാതിര്‍ത്തിക്ക് പുറത്തുള്ള പര്‍വത മേഖലയില്‍ പ്രാദേശിക സമയം അര്‍ധരാത്രിയോടെ വിമാനം തകര്‍ന്നു വീഴുകയായിരുന്നു. വിമാനത്തിലെ ഇന്ധനം തീര്‍ന്നതാകാം അപകടത്തിനു കാരണമായതെന്നാണ് പ്രാഥമിക നിഗമനം. മരണസംഖ്യ ഉയരുമെന്നാണ് കരുതുന്നത്.
Post Your Comments