ഗര്‍ഭാവസ്ഥയില്‍ അടികൂടുന്ന ഇരട്ട കുട്ടികള്‍ ; വീഡിയോ വൈറലാകുന്നു

ഗര്‍ഭാവസ്ഥയില്‍ അടികൂടുന്ന ഇരട്ട കുട്ടികളുടെ വീഡിയോ വൈറലാകുന്നു. ലണ്ടനില്‍ നടന്ന ഒരു പഠനത്തിനിടയിലാണ് ഈ ദൃശ്യങ്ങള്‍ ലഭിച്ചത്. സിനി എം ആര്‍ ഐ സ്‌കാന്‍ എന്നു പുത്തന്‍ സാങ്കേതികവിദ്യ ഉപയോഗിച്ചാണ് ഈ ദൃശ്യങ്ങള്‍ ചിത്രീകരിച്ചിരിക്കുന്നത്. വളരെ അപൂര്‍വ്വമായി മാത്രമേ ഇത്തരം ദൃശ്യങ്ങള്‍ ക്യാമറയില്‍ പതിയാറുള്ളു എന്നു ഡോക്ടര്‍മാരും പറയുന്നു. എന്നാല്‍ കുട്ടികള്‍ ആണാണോ പെണ്ണാണോ എന്നു കാര്യം ഇവര്‍ പുറത്തു വിട്ടിട്ടില്ല. എന്തിനു വേണ്ടിയാണ് ഇവര്‍ ഇങ്ങനെ അടികൂടുന്നത് എന്നു വ്യക്തമല്ല. ഒരാള്‍ തന്നെ മറ്റെയാള്‍ക്കിട്ടു ചവിട്ടുകയും തൊഴിക്കുകയും ചെയ്യുന്നു. ഉപദ്രവിക്കുന്ന ആളുടെ അടിയും ഇടിയും തൊഴിയുമെല്ലാം മറ്റെയാള്‍ നിശബ്ദം സഹിക്കുകയാണ്.