കോട്ടയം : കാഞ്ഞിരപ്പള്ളിയിലെ സ്‌കൂളില്‍ അജ്ഞാത വസ്തു പൊട്ടിത്തെറിച്ച് നാല് വിദ്യാര്‍ഥികള്‍ക്ക് പരിക്കേറ്റു. കൂവപ്പള്ളി ടെക്‌നിക്കല്‍ ഹൈസ്‌കൂളില്‍ രാവിലെ 10.30 ഓടെയാണ് സംഭവം. വലിയ ശബ്ദത്തോടെയാണ് പൊട്ടിത്തെറിയുണ്ടായത്.
എരുമേലി ബസ് സ്റ്റാന്റില്‍ നിന്ന് വിദ്യാര്‍ഥികള്‍ക്ക് ലഭിച്ച ഇലക്ട്രിക് സംവിധാനത്തില്‍ മൊബൈല്‍ ബാറ്ററി ഘടിപ്പിച്ചപ്പോഴാണ് പൊട്ടിത്തെറി ഉണ്ടായതെന്നാണ് പ്രഥാമിക വിവരം. ഇത് എന്താണെന്നത് സംബന്ധിച്ച കൃത്യമായ വിവരമില്ല.
പോലീസ് അന്വേഷണം തുടങ്ങി. ആദിത്യന്‍, ആന്റോച്ചര്‍, അശ്വിന്‍, ഫെബിന്‍ എന്നീ നാല് വിദ്യാര്‍ഥികള്‍ക്കാണ് പരിക്കേറ്റത്. ആരുടേയും നില ഗുരുതരമല്ല. ഇവരെ കാഞ്ഞിരപ്പള്ളി ജനറല്‍ ആശുപത്രിയില്‍ പ്രവേശിപ്പിച്ചു.
Post Your Comments