തലസ്ഥാനത്ത് ഭൂകമ്പം

ന്യൂഡല്‍ഹി•ഡല്‍ഹിയിലും പരിസര പ്രദേശങ്ങളിലും നേരിയ ഭൂചലനം. വൈകുന്നേരം 4.35 ഓടെയാണ് സംഭവം.

ന്യൂടെല്‍ഹി, ചണ്ഡിഗഡ്, കശ്മീര്‍, ഉത്തരാഖണ്ഡ് എന്നിവിടങ്ങള്‍ക്ക് പുറമേ പാകിസ്ഥാനിലെ ചില പട്ടണങ്ങളിലും ഭൂചലനം അനുഭവപ്പെട്ടതായി റിപ്പോര്‍ട്ടുണ്ട്. കശ്മീരിന് സമീപം ഇന്ത്യ-പാക് അതിര്‍ത്തിയിലാണ് ഭൂചലനത്തിന്റെ പ്രഭവ കേന്ദ്രമെന്ന് ഇന്ത്യന്‍ കാലാവസ്ഥാ വകുപ്പ് വൃത്തങ്ങള്‍ പറഞ്ഞു.

റിക്ടര്‍ സ്കെയിലില്‍ 6.1 തീവ്രത രേഖപ്പെടുത്തിയ ചലനമാണ് അനുഭവപ്പെട്ടത്. ആളപായമോ നാശനഷ്ടമോ റിപ്പോര്‍ട്ട് ചെയ്യപ്പെട്ടിട്ടില്ല.

കൂടുതല്‍ വിവരങ്ങള്‍ ലഭ്യമായി വരുന്നതേയുള്ളൂ.