പറവൂർ : കവർച്ച കേസ് പ്രതിയെ കാപ്പ ചുമത്തി ജയിലിലടച്ചു. നോർത്ത് പറവൂർ വടക്കേക്കര പൂയപ്പിള്ളി കരയിൽ പുത്തൂർപറമ്പിൽ സോബിൻ കുമാറിനെയാണ് കാപ്പ ചുമത്തി വിയ്യൂർ സെൻട്രൽ ജയിലിലടച്ചത്.
റൂറൽ ജില്ലാ പോലീസ് മേധാവി ഡോ.വൈഭവ് സക്സേനയുടെ റിപ്പോർട്ടിൻ്റെ അടിസ്ഥാനത്തിൽ എറണാകുളം ജില്ലാ കളക്ടർ എൻ.എസ്.കെ ഉമേഷാണ് ഉത്തരവിട്ടത്. വടക്കേക്കര, ആലുവ ഈസ്റ്റ്, കൊച്ചി സിറ്റി ഇൻഫോപാർക്ക്, എറണാകുളം റെയിൽവേ പോലീസ് സ്റ്റേഷൻ പരിധികളിലായി കവർച്ച, പിടിച്ചുപറി, മോഷണം, ദേഹോപദ്രവം, ഭീഷണിപ്പെടുത്തൽ തുടങ്ങി നിരവധി കേസുകളിൽ പ്രതിയാണ്.
കഴിഞ്ഞ ഡിസംബർ രാത്രി 10 മണിയോടെ ആലുവ റെയിൽവേ ഓവർ ബ്രിഡിജിന് സമീപം അതിഥി തൊഴിലാളികളെ കത്തി കൊണ്ട് ആക്രമിച്ച് പരിക്കേൽപ്പിച്ച് അവരുടെ കൈവശം ഉണ്ടായിരുന്ന മൊബൈൽ ഫോണുകൾ കവർച്ച ചെയ്തതിന് ആലുവ ഈസ്റ്റ് പോലീസ് രജിസ്റ്റർ ചെയ്ത കേസിൽ പ്രതിയായതിനെ തുടർന്നാണ് നടപടി.
വടക്കേക്കര പോലീസ് ഇൻസ്പെക്ടർ കെ.ആർ ബിജുവിൻ്റെ നേതൃത്വത്തിൽ അസിസ്റ്റൻ്റ് സബ്ബ് ഇൻസ്പെക്ടർ പി.എസ് സുനിൽ, സീനിയർ സി പി ഒ മാരായ നവീൻ സി.ജോൺ, പ്രതീഷ് കുമാർ എന്നിവരടങ്ങുന്ന സംഘമാണ് ഇയാളെ അറസ്റ്റ് ചെയ്തത്.
Post Your Comments