ദുബായ് : തീപിടുത്തത്തിൽ അകപ്പെട്ട കുഞ്ഞിനെ സാഹസികമായി രക്ഷിച്ച് അമ്മ. അൽ ഐനിലെ അൽ ഹിലി പ്രദേശത്ത് ഒരു എമിറൈത്തിയുടെ വീട്ടിലാണ് തീപിടുത്തമുണ്ടായത്. തീപടരുന്നത് കണ്ടതോടെ യുവതി തന്റെ കുഞ്ഞിനേയും സഹോദരിയെയും ധീരമായി രക്ഷപ്പെടുത്തുകയായിരുന്നു.
തീപിടിത്തത്തെക്കുറിച്ച് മുന്നറിയിപ്പ് നൽകിയ സെൻട്രൽ ഓപ്പറേഷൻ റൂം ഉടൻ തന്നെ അഗ്നിശമന സേനാംഗങ്ങൾ, ട്രാഫിക് പട്രോളിംഗ്, ആംബുലൻസുകൾ, പാരാമെഡിക്കുകൾ, രക്ഷാപ്രവർത്തകർ എന്നിവരെ അയച്ചു. കഴിവുറ്റ അഗ്നിശമന സേനാംഗങ്ങൾ റെക്കോർഡ് സമയത്തിൽ സംഭവസ്ഥലത്തെത്തിയെന്ന് അബുദാബിയിലെ സിവിൽ ഡിഫൻസ് ഡയറക്ടർ ജനറൽ ഡയറക്ടർ ബ്രിഗ് മുഹമ്മദ് അൽ കിറ്റ്ബി പറഞ്ഞു.സമീപത്തെ വീടുകളിലേക്ക് തീ പടരാതിരിക്കാൻ അബുദാബി അഗ്നിശമന സേനാംഗങ്ങൾ സൈറ്റിൽ വളഞ്ഞു.
താഴത്തെ നിലയിൽ നിന്ന് കനത്ത പുക പുറത്തേക്ക് വരുന്നത് ശ്രദ്ധയിൽപ്പെട്ടപ്പോൾ രണ്ടാമത്തെ നിലയിലെ ബാൽക്കണിയിലേക്ക് കുഞ്ഞിനെയും സഹോദരിയെയും കൂട്ടി യുവതി ഓടിയെത്തുകയായിരുന്നു. അതുകൊണ്ട് ജീവൻ രക്ഷിക്കാൻ കഴിഞ്ഞു.അമ്മയെയും കുടുംബത്തെയും വൈദ്യസഹായത്തിനായി അടുത്തുള്ള ആശുപത്രിയിലേക്ക് മാറ്റി.
പ്രാഥമിക അന്വേഷണത്തിൽ താഴത്തെ മുറികളിലൊന്നിലെ എയർകണ്ടീഷണറിന് തീപിടിച്ചതായി കണ്ടെത്തി.തീപിടിത്തത്തിന് പിന്നിലെ കാരണങ്ങൾ കണ്ടെത്താൻ കൂടുതൽ അന്വേഷണം നടക്കുന്നുണ്ടെന്നും അധികൃതർ വ്യക്തമാക്കി.
Post Your Comments