ലണ്ടന്‍: ലോകക്കപ്പ് മത്സരത്തില്‍ ഇംഗ്ലണ്ട് താരത്തിനും പാകിസ്ഥാന്‍ ടീമിനും പിഴ. ഇന്നലെ പാകിസ്ഥാനെതിരെ നടന്ന മത്സരത്തില്‍ മോശം പെരുമാറ്റത്തില്‍ ഇംഗ്ലീഷ് ഫാസ്റ്റ് ബൗളര്‍ ജോഫ്ര ആര്‍ച്ചിനും ജേസണ്‍ റോയിക്കും ഐസിസി മാച്ച് ഫീയുടെ 15 ശതമാനം പിഴ ചുമത്തി.
അതേസമയം കുറഞ്ഞ ഓവര്‍ നിരക്കിന് പാക് ടീമിന് പത്തു ശതമാനവും നായകന്‍ സര്‍ഫറാസ് അഹമ്മദിന് 20 ശതമാനവും പിഴ ചുമത്തി.
ഇന്നലെ നടന്ന കളിയില്‍ 14 റണ്‍സിനാണ് പാകിസ്ഥാന്‍ ഇംഗ്ലണ്ടിനെ തോല്‍പ്പിച്ചത്. ടോസ് നഷ്ടപ്പെട്ട് ബാറ്റിങ്ങിന് ഇറങ്ങിയ പാകിസ്ഥാന്‍ നിശ്ചിത ഓവറില്‍ എട്ടു വിക്കറ്റ് നഷ്ടത്തില്‍ നേടിയ 348 റണ്‍സ് മറികടക്കാന്‍ ഇംഗ്ലണ്ടിന് കഴിഞ്ഞില്ല. നിശ്ചിത ഓവറില്‍ ഒമ്പത് വിക്കറ്റ് നഷ്ടത്തില്‍ 334 റണ്‍സെടുക്കാനെ സാധിച്ചുള്ളൂ.
Post Your Comments