ഇന്ത്യൻ പേസർ ജസ്‌പ്രീത് ബുംറക്ക് ഒരു ഉപദേശവും ആയി എത്തിയിരിക്കുകയാണ് ക്രിക്കറ്റ് ഇതിഹാസങ്ങളിൽ ഒരാളായ സുനിൽ ഗവാസ്‌ക്കർ. താരം നോബോൾ എറിയുന്നത് ഒഴിവാക്കാൻ ശ്രമിക്കണം എന്നാണ് ഗവാസ്ക്കറുടെ ആവശ്യം. നോബോൾ ബൗളറുടെ ആത്മവിശ്വാസം മാത്രമല്ല ടീമിനെ മൊത്തത്തിൽ പ്രതിസന്ധിയിൽ ആക്കുകയാണ് ചെയ്യുന്നതെന്ന് അദ്ദേഹം പറയുന്നു.
ബൗളർ നോബോൾ എറിഞ്ഞത് കൊണ്ട് മാത്രം കിട്ടേണ്ട വിക്കറ്റ് നഷ്ടമായി എന്നൊരു തോന്നൽ ടീമിൽ ഉടലെടുക്കാൻ ഇത് കാരണമാകും. ഒരു ബൗള്‍ അധികമായി എറിയുന്നത് ബൗളറുടെ ജോലിഭാരം കൂട്ടുകയുമാണ്. ഇത് മറികടക്കാന്‍ ബൂംറ കഠിനപ്രയത്‌നം നടത്തണമെന്നും അദ്ദേഹം അഭിപ്രായപ്പെട്ടു.
ഇപ്പോൾ നടക്കുന്ന നാലാം ടെസ്റ്റിലും കഴിഞ്ഞ ടെസ്റ്റിലും ബുംറ എറിഞ്ഞ നോബോളുകൾ വിക്കറ്റ് ആയിരുന്നു. ഈ സഹചര്യത്തിൽ ആണ് ഗവാസ്ക്കറുടെ ഉപദേശം. അതേസമയം ടെസ്റ്റിൽ ബുംറ മികച്ച ഫോമിൽ ആണ്. കഴിഞ്ഞ ടെസ്റ്റിൽ 5 വിക്കറ്റ് നേടി ടീമിന്റെ വിജയശില്പിയായ ബുംറ ഇന്നലെയും മികച്ച ഫോമിൽ ആയിരുന്നു.
Post Your Comments