വരട്ടാറില്‍ കാണാതായ ഒൻപതാം ക്ലാസുകാരന്റെ മൃതദേഹം കിട്ടി

ചെങ്ങന്നൂർ : വരട്ടാറിലെ ഒഴുക്കിൽ പെട്ട് കാണാതായ ഒൻപതാം ക്ലാസ് വിദ്യാർത്ഥിയുടെ മൃതദേഹം രാവിലെ എട്ടരയോടെ കണ്ടെടുത്തു. ചങ്ങനാശ്ശേരി പായിപ്പാട് അഴകപ്പാറ പുത്തൻപറമ്പിൽ തോമസ് മാത്തന്റെ മകൻ ജിതിൻ തോമസ് മാത്തന്റെ (14) മൃതദേഹമാണ് കിട്ടിയത്.

Read also:ദുരിതാശ്വാസ നിധിയിലേക്ക് മോഹൻലാലിന്റെ വക 25 ലക്ഷം രൂപ

ശനിയാഴ്ച വൈകിട്ട് 3 മണിയോടെയാണ് ജിതിനെ ഒഴുക്കിൽ പെട്ട് കാണാതായത്. തുടർന്ന് നടത്തിയ തിരച്ചിലിൽ നാൽപത്തി ഒന്നര മണിക്കൂറിന് ശേഷമാണ് തൊട്ടടുത്ത മുളങ്കൂട്ടത്തിനടിയിൽ കുരുങ്ങി കിടന്ന നിലയിൽ മൃതദേഹം കണ്ടെത്തിയത്. ചങ്ങനാശേരി എസ് ബി ഹയർ സെക്കണ്ടറി സ്കൂൾ ഒൻപതാം ക്ലാസ്സ് വിദ്യാർത്ഥിയാണ് ജിതിൻ.