കൊച്ചി: കേരളത്തിലെത്തിയ രാഷ്ട്രപതിയെ കാത്ത് അപ്രതീക്ഷിത അതിഥി. രണ്ടു ദിവസത്തെ കേരള സന്ദര്‍ശനം പൂര്‍ത്തിയാക്കി മടക്കയാത്രയ്ക്കായി കൊച്ചി നാവിക വിമാനത്താവളത്തിലെത്തിയപ്പോഴാണ് അതിഥി എത്തിയത്. കഴിഞ്ഞ ദിവസം തിരുവനന്തപുരത്തെ പ്രസംഗത്തില്‍ രാഷ്ട്രപതി രാം നാഥ് കോവിന്ദ് പരാമര്‍ശിച്ച മലയാളിയായ ജോര്‍ജാണ് ആ അതിഥി.
മാനേജ്മെന്റ് കണ്‍സള്‍ട്ടന്റായ റൂബന്‍ ജോര്‍ജ് കാണ്‍പൂരിലെ കല്യാണ്‍പൂരില്‍ രാം നാഥ് കോവിന്ദിന്റെ വസതിയില്‍ വാടകക്കാരനാണ്. രാഷ്ട്രപതി റൂബനെ കുറിച്ച് പരാമര്‍ശിച്ചത് മലയാളികളുടെ നന്മയെയും സേവന മനോഭാവത്തെയും വാഴ്ത്തുന്നതിനിടയിലാണ്.
കഴിഞ്ഞ മെയ് മുതല്‍ ഔദ്യോഗിക കാര്യങ്ങള്‍ക്കായി കേരളത്തിലുള്ള റൂബന്‍ ജോര്‍ജ് രാഷ്ട്രപതി കേരളത്തിലെത്തിയത് അറിഞ്ഞപ്പോള്‍ കൂടിക്കാഴ്ച്ചയ്ക്ക് സമയം ചോദിക്കുകയായിരുന്നു. രാഷ്ട്രപതി പരാമര്‍ശിച്ച ജോര്‍ജ്, റൂബനാണെന്ന് മനസിലാക്കിയ അദ്ദേഹത്തിന്റെ ഓഫീസ് കൂടിക്കാഴ്ച്ചയ്ക്ക് അവസരമൊരുക്കി. രാം നാഥ് കോവിന്ദ് തന്നെക്കുറിച്ച് പറഞ്ഞത് റൂബന്‍ അറിഞ്ഞതും അധികൃതരില്‍ നിന്നു തന്നെ.
Post Your Comments