കക്കോടി: വിദ്യാര്‍ത്ഥിനിയോട് ബസില്‍ മോശമായി പെരുമാറിയ ബസ് കണ്ടക്ടര്‍ പോക്സോ കേസില്‍ പൊലീസ് പിടിയിൽ. പന്തീരാങ്കാവ് മുണ്ടുപാലത്ത് കക്കുഴി വീട്ടില്‍ മധുസൂദനന്‍ (51) ആണ് അറസ്റ്റിലായത്.
ചൊവ്വാഴ്ച രാവിലെയാണ് സംഭവം. ട്യൂഷന്‍ കഴിഞ്ഞ് വീട്ടിലേക്ക് ബസില്‍ യാത്രചെയ്യവെ ആളൊഴിഞ്ഞനേരം പെണ്‍കുട്ടിയുടെ അരികിലിരുന്ന് അതിക്രമം കാണിക്കുകയായിരുന്നു ഇയാൾ. പെണ്‍കുട്ടി വീട്ടിലെത്തി വിവരം പറഞ്ഞതിന്‍റെ അടിസ്ഥാനത്തില്‍, ബസ് തിരികെ വരുമ്പോള്‍ നാട്ടുകാരുടെ സഹായത്തോടെ തടയുകയായിരുന്നു. ബസില്‍ നിന്ന് പിടിച്ചിറക്കിയ പ്രതിയെ, നാട്ടുകാര്‍ കൈകാര്യം ചെയ്തിട്ടാണ് കാക്കൂര്‍ പൊലീസില്‍ വിവരമറിയിച്ചത്.
എസ്.ഐ സുരേഷാണ് പ്രതിയെ അറസ്റ്റ് ചെയ്തത്. പ്രതിയെ ഇന്ന് കോടതിയിൽ ഹാജരാക്കും.
Post Your Comments