ബജറ്റില്‍ വില കൂടുന്നതും കുറയുന്നതും: വിശദാംശങ്ങള്‍ ഇങ്ങനെ

 

ന്യൂഡല്‍ഹി: 2025- 2026 വര്‍ഷത്തെ ബജറ്റ് അവതരണം പൂര്‍ത്തിയായി. ആദായ നികുതി പരിധി ഉയര്‍ത്തിയതാണ് ബജറ്റിലെ ഏറ്റവും ഞെട്ടിക്കുന്ന പ്രഖ്യാപനം. ആദായ നികുതിയില്‍ വന്‍ ഇളവാണ് ഉണ്ടായിരിക്കുന്നത്. 12 ലക്ഷം വരെ വാര്‍ഷിക വരുമാനമുള്ളവര്‍ക്ക് ആദായ നികുതി നല്‍കേണ്ടതില്ല. അതേ സമയം സാധാരണക്കാരെ സംബന്ധിച്ച വലിയ ചര്‍ച്ച ചെലവ് കൂടിയതും ചെലവ് കുറഞ്ഞതുമായ ഉത്പ്പന്നങ്ങളുടെയും സേവനങ്ങളുടെയും കാര്യങ്ങളാണ്.

Read Also: കുംഭമേള വിഷയം ഉയർത്തി ബഹളം : ബജറ്റ് അവതരണം ബഹിഷ്കരിച്ച് പ്രതിപക്ഷത്തിൻ്റെ ഇറങ്ങിപ്പോക്ക്

മൊബെല്‍ ഫോണ്‍ ബാറ്ററികളുടെ വില കുറയും. ലിഥിയം ബാറ്ററികളുടെ കസ്റ്റംസ് ഡ്യൂട്ടി ഒഴിവാക്കിയെന്ന് ധനമന്ത്രി പ്രഖ്യാപിച്ചു. ഇത് കൂടാതെ 36 ജീവന്‍ രക്ഷാമരുന്നുകളെ കസ്റ്റംസ് ഡ്യൂട്ടിയില്‍ നിന്ന് ഒഴിവാക്കിയെന്ന് ധനമന്ത്രി പ്രഖ്യാപിച്ചിട്ടുണ്ട്. 6 മരുന്നുകളുടെ കസ്റ്റംസ് ഡ്യൂട്ടിയില്‍ ഇളവ് വരുത്തിയിട്ടുണ്ട്.

വില കുറയുന്നവ:

1. ജീവന്‍ രക്ഷാ മരുന്നുകള്‍

2. മൊബൈല്‍ ബാറ്ററികള്‍

3. ലിഥിയം ബാറ്ററികള്‍

4. തുകല്‍ ഉല്‍പ്പന്നങ്ങള്‍

5. ഇലക്ട്രോണിക് ഉല്‍പ്പന്നങ്ങള്‍

6. ഇലക്ട്രിക് വാഹനങ്ങള്‍

വില കൂടുന്നവ:

1. ഫ്‌ളാറ്റ് സ്‌ക്രീന്‍ ടിവികള്‍

2.പ്ലാസ്റ്റിക് ഉല്‍പ്പന്നങ്ങള്‍

3. നെയ്ത്ത് തുണിത്തരങ്ങള്‍