മുംബൈ: മുംബൈയില്‍ നിന്നും പുറപ്പെട്ട ലോക്മാന്യ തിലക് ടെർമിനസ്-ഗോരഖ്പൂർ എക്സ്പ്രസിന്റെ എസ് 8 കോച്ചില്‍ തീപിടുത്തം. കോച്ചിന്റെ അടിഭാഗത്താണ് തീപിടുത്തമുണ്ടായതെന്നും സംഭവത്തില്‍ യാത്രക്കാർ സുരക്ഷിതരാണെന്നും റെയില്‍വേ അറിയിച്ചു.
രാവിലെ 6.30 ഓടെ യാണ് സംഭവം നടന്നത്. സംഭവത്തെ തുടർന്ന് ഗൊരഖ്പൂരിലേക്ക് പോകുകയായിരുന്ന ട്രെയിൻ താകുർലി സ്റ്റേഷന് സമീപം നിർത്തിയിട്ടു. കനത്ത പുക ഉയരുന്നത് കണ്ട് പരിഭ്രാന്തരായ ചില യാത്രക്കാർ ഉടൻ തന്നെ ട്രെയിനിലുണ്ടായിരുന്ന റെയില്‍വേ ജീവനക്കാരെ വിവരമറിയിക്കുകയായിരുന്നു. തീപിടിത്തം ചെറിയതായിരുന്നുവെന്നും അഗ്‌നിശമന ഉപകരണങ്ങള്‍ ഉപയോഗിച്ച്‌ ഉടൻ തന്നെ തീ അണച്ചതായും റെയില്‍വേ വക്താവ് അറിയിച്ചു.
Post Your Comments