ശ്രീനഗർ: ജമ്മു കശ്മീരില്‍ ബാരാമുള്ളയിലുണ്ടായ ഏറ്റുമുട്ടലില്‍ രണ്ട് ഭീകരരെ സുരക്ഷാസേന വധിച്ചു. ബുധനാഴ്ച രാവിലെ ലഭിച്ച വിവരത്തെത്തുടർന്ന് നടത്തിയ തിരച്ചിലിനൊടുവിലാണ് ഭീകരരെ വധിച്ചത്. രണ്ട് സുരക്ഷാസേനാംഗങ്ങള്‍ക്ക് പരിക്കേറ്റു.
read also: കള്ളക്കുറിച്ചിയില്‍ വ്യാജമദ്യം കഴിച്ച്‌ 9 പേര്‍ മരിച്ചു: നിരവധി പേര്‍ ചികിത്സയില്‍
തിരച്ചിലിനിടെ ഭീകരർ വെടിയുതിർക്കുകയായിരുന്നു. സംഭവസ്ഥലത്ത് രണ്ട് മൃതദേഹങ്ങള്‍ കണ്ടെത്തിയെന്നും എന്നാല്‍ ഇത് പിടിച്ചെടുത്തിട്ടില്ലെന്നും മുതിർന്ന പോലീസ് ഉദ്യോഗസ്ഥൻ അറിയിച്ചു.
ഒരു പോലീസ് ഉദ്യോഗസ്ഥനും കരസേനാ ജവാനുമാണ് തീവ്രവാദികളുടെ വെടിവെപ്പില്‍ പരിക്കേറ്റത്.
Post Your Comments