മുംബൈ: അധോലോക നേതാവ് ശരദ് മൊഹോള്‍ കോല്ലപ്പെട്ട സംഭവത്തില്‍ എട്ട് പേര്‍ അറസ്റ്റില്‍. പൂനെ സ്വദേശികളും ശരദ് മൊഹോളിന്റെ സഹായികളുമായ എട്ട് പേരെയാണ് പോലീസ് അറസ്റ്റ് ചെയ്തത്. പ്രതികളില്‍ നിന്നും മൂന്ന് പിസ്റ്റളുകളും മറ്റ് മാരകായുധങ്ങളും പോലീസ് പിടിച്ചെടുത്തിട്ടുണ്ട്.
കഴിഞ്ഞ ദിവസം ഉച്ചയ്ക്ക് 1.30ന് പൂനെ-സത്താറ റോഡില്‍ വച്ചാണ് പ്രതികള്‍ മൊഹോളിനെ കൊലപ്പെടുത്തിയത്. മൊഹോളിന്റെ വിവാഹ വര്‍ഷികാഘോഷത്തിനിടെയാണ് സംഭവമുണ്ടായത്. ക്ഷേത്രത്തിലേക്ക് പോകുന്ന വഴി വാഹനം തടഞ്ഞുനിര്‍ത്തിയ പ്രതികള്‍ മൊഹോളിന് നേരെ തുടര്‍ച്ചയായി വെടിയുതിര്‍ക്കുകയായിരുന്നു. ഉടന്‍ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.
സുതാര്‍ദാര സ്വദേശിയായ മുന്ന പോലേക്കറാണ് കൊലപാതകത്തിന്റെ പ്രധാന സൂത്രധാരനെന്ന് പോലീസ് കണ്ടെത്തിയിട്ടുണ്ട്. സാമ്പത്തിക തര്‍ക്കത്തെ തുടര്‍ന്നുണ്ടായ വൈരാഗ്യമാണ് കൊലപാതകത്തിന് കാരണമെന്ന് പോലീസ് പറഞ്ഞു.
Post Your Comments