തിരുവനന്തപുരം: കെഎസ്ആര്‍ടിസിയിൽ പെന്ഷന് വിതരണം ചെയ്യുന്നതിനായി സംസ്ഥാന സര്‍ക്കാര്‍ സഹായമായി 71 കോടി രൂപ കൂടി അനുവദിച്ചതായി ധനമന്ത്രി കെഎന്‍ ബാലഗോപാല്‍ അറിയിച്ചു. നവംബര്‍ മുതല്‍ പെന്ഷന് ആവശ്യമായ തുക സഹകരണ സംഘങ്ങളുടെ കണ്‍സോഷ്യം വഴി ലഭ്യമാക്കാനായിരുന്നു മുന്‍ തീരുമാനം. എന്നാൽ, ഈ നടപടികള്‍ പൂര്‍ത്തിയാകാത്ത സാഹചര്യത്തിലാണ് ഈ മാസത്തെ പെന്ഷന് വിതരണത്തിന് ആവശ്യമായ തുക സഹായമായി നല്‍കാന്‍ സര്‍ക്കാര്‍ തീരുമാനിച്ചത്.
കഴിഞ്ഞ ഒമ്പത് മാസത്തിനുള്ളില്‍ 1,335 കോടി രൂപയാണ് സര്‍ക്കാര്‍ കെഎസ്ആര്‍ടിസിയ്ക്ക് നല്‍കിയത്. 900 കോടിയാണ് ഈ വര്‍ഷത്തെ ബജറ്റില്‍ അനുവദിച്ചിട്ടുള്ളത്. 5,034 കോടി രൂപയാണ് കെഎസ്ആര്‍ടിസിക്ക് രണ്ടാം പിണറായി സര്‍ക്കാര്‍ സഹായമായി നല്‍കിയത്. ഒന്നാം പിണറായി സര്‍ക്കാര്‍ 4936 കോടി നല്‍കി. ഏഴര വര്‍ഷത്തിനുള്ളില്‍ 9970 കോടി രൂപയാണ് രണ്ട് എല്‍ഡിഎഫ് സര്‍ക്കാരുകള്‍ നല്‍കിയത്.
Post Your Comments