സാമ്പത്തിക പ്രതിസന്ധിക്കിടെ താൽക്കാലികാശ്വാസം: സംസ്ഥാനത്തിന്റെ കടമെടുപ്പ്​ പരിധിയിൽ ഇളവ് അനുവദിച്ച് കേന്ദ്രസർക്കാർ

തിരുവനന്തപുരം: സംസ്ഥാനത്തിന്റെ കടമെടുപ്പ്​ പരിധിയിൽ ഇളവ് അനുവദിച്ച് കേന്ദ്രസർക്കാർ​. കേരളത്തിന്​ കടമെടുക്കാവുന്ന തുകയിൽ നിന്ന്​ കിഫ്ബിയും പെൻഷൻ കമ്പനിയും എടുത്ത വായ്പ ഇനത്തിലെ 3140 കോടി കുറച്ച നടപടിയാണ്​ കേന്ദ്രസർക്കാർ നീട്ടിവെച്ചത്. നിലവിലെ പ്രതിസന്ധിക്ക്​ കാരണം കേന്ദ്രം കടമെടുപ്പ്​ പരിധി വെട്ടിക്കുറച്ചതാണെന്നാണ്​ സംസ്ഥാനസർക്കാർ ഏറെ നാളായി പരാതിപ്പെട്ടുകൊണ്ടിരുന്നത്.

കടമെടുപ്പ്​ പരിധിയിൽ നിന്ന്​ 3140 കോടി വെട്ടിക്കുറച്ച നടപടി ഒരു വർഷത്തേക്കാണ്​ നീട്ടിവെച്ചത്​. ഇതേതുടർന്ന്, ഈ തുക 2024 മാർച്ചിനു മുമ്പ്​ കേരളത്തിന്​ കടമെടുക്കാൻ കഴിയും. 3140 കോടിയിൽ 2000 കോടി രൂപ ഈ മാസം 19ന് കടമെടുക്കും. ക്രിസ്മസിന്‍റെ ഭാഗമായി ക്ഷേമ പെൻഷൻ വിതരണം ചെയ്യാൻ ഈ തുക വിനിയോഗിക്കാനാണ് സർക്കാർ തീരുമാനം.

‘ഇരുമുടികെട്ട് എയര്‍പോര്‍ട്ടില്‍ ഭക്തനെ കാത്തിരിക്കുന്നു…’: സുരഭി പങ്കുവെച്ച വീഡിയോ വൈറൽ

2021-22 സാമ്പത്തിക വർഷത്തിൽ കിഫ്ബിയും പെൻഷൻ കമ്പനിയും 9422 കോടി കടമെടുത്തിരുന്നു എന്ന് ചൂണ്ടിക്കാട്ടി, 2022-23 മുതൽ 2024-25 വരെ മൂന്ന്​ വർഷങ്ങളിലായി 3140 കോടി രൂപ വീതം കടമെടുപ്പ്​ പരിധിയിൽ നിന്ന്​ വെട്ടിക്കുറക്കാനായിരുന്നു കേന്ദ്രത്തിന്റെ തീരുമാനം. കേരളത്തി​ന്‍റെ നിരന്തര ആവശ്യത്തെ തുടർന്നാണ്​ കേന്ദ്രസർക്കാർ ഈ ഈ നിലപാട്​ മയ​പ്പെടുത്തിയത്.