ഇ​രു​ച​ക്ര​വാ​ഹ​ന​ത്തി​ൽ ക​റ​ങ്ങി ന​ട​ന്ന് സ്​ത്രീകൾക്കുനേരെ ഉപദ്രവം: പ്രതി പിടിയിൽ

പ​ര​വൂ​ർ: ഇ​രു​ച​ക്ര​വാ​ഹ​ന​ത്തി​ൽ ക​റ​ങ്ങി ന​ട​ന്ന് സ്​​ത്രീ​ക​ൾ​ക്ക് നേ​രെ ശാ​രീ​രി​ക ഉ​പ​ദ്ര​വം ന​ട​ത്തിയ പ്രതി അറസ്റ്റിൽ. നെ​ടു​ങ്ങോ​ലം പ​ര​ക്കു​ളം പു​ഷ്പ​വി​ലാ​സ​ത്തി​ൽ പ്ര​മോ​ദ്(40) ആ​ണ് അറസ്റ്റിലായത്. പ​ര​വൂ​ർ പൊ​ലീ​സ് ആണ് പി​ടി​കൂടി​യ​ത്.

ക​ഴി​ഞ്ഞ വെ​ള്ളി​യാ​ഴ്ച രാ​ത്രി 7.15-ഓ​ടെയാണ് സംഭവം. പ​ര​വൂ​രി​ൽ ഇ​ട​റോ​ഡി​ലൂ​ടെ ന​ട​ന്നു​പോ​വു​ക​യാ​യി​രു​ന്ന യു​വ​തി​യു​ടെ മു​തു​കി​ൽ ശ​ക്തി​യാ​യി അ​ടി​ച്ച ശേ​ഷം ഇ​യാ​ൾ സ്​​കൂ​ട്ട​റി​ൽ ര​ക്ഷ​പ്പെ​ട്ടി​രു​ന്നു. ഇ​ട​റോ​ഡു​ക​ളി​ലൂ​ടെ ത​നി​ച്ച് ന​ട​ന്നു​പോ​കു​ന്ന സ്​​ത്രീ​ക​ളു​ടെ പി​റ​കി​ലൂ​ടെ ഇ​രു​ച​ക്ര​വാ​ഹ​ന​ത്തി​ൽ ഹെ​ൽ​മ​റ്റ് ധ​രി​ച്ചെ​ത്തി ശ​രീ​ര​ത്തി​ൽ ശ​ക്തി​യാ​യി അ​ടി​ച്ച ശേ​ഷം വാ​ഹ​നം നി​ർ​ത്താ​തെ ര​ക്ഷ​പ്പെ​ട്ട​തു​മാ​യി ബ​ന്ധ​പ്പെ​ട്ട് പ​ര​വൂ​ർ പൊ​ലീ​സ്​ ര​ജി​സ്റ്റ​ർ ചെ​യ്ത കേ​സു​ക​ളി​ലെ അ​ന്വേ​ഷ​ണ​ത്തി​ലാ​ണ് ഇ​യാ​ൾ പി​ടി​യി​ലാ​യ​ത്.

Read Also : ബോളിവുഡ് സിനിമാതാരം ശ്രേയസ് തല്‍പാഡെ ഹൃദയാഘാതത്തെ തുടർന്ന് കുഴഞ്ഞ് വീണു: ചികിത്സയിൽ

യു​വ​തി​യു​ടെ പ​രാ​തി​യു​ടെ അ​ടി​സ്ഥാ​ന​ത്തി​ൽ പ​ര​വൂ​ർ പൊ​ലീ​സ്​ സ്റ്റേ​ഷ​നി​ൽ കേ​സ്​ ര​ജി​സ്റ്റ​ർ ചെ​യ്ത്​ അ​ന്വേ​ഷ​ണം ന​ട​ത്തി​വ​രു​ന്ന​തി​നി​ടെ ക​ഴി​ഞ്ഞ​ദി​വ​സം ആ​ലും​മൂ​ട്-​പ​ര​വൂ​ർ റോ​ഡി​ലൂ​ടെ ന​ട​ന്നു​പോ​വു​ക​യാ​യി​രു​ന്ന യു​വ​തി​യും സ​മാ​ന​രീ​തി​യി​ൽ ഉ​പ​ദ്ര​വി​ക്ക​പ്പെ​ട്ടു. തു​ട​ർ​ന്ന്, പൊ​ലീ​സ്​ ന​ട​ത്തി​യ അ​ന്വേ​ഷ​ണ​ത്തി​ൽ ഇ​യാ​ൾ പി​ടി​യി​ലാ​വു​ക​യാ​യി​രു​ന്നു.

പ​ര​വൂ​ർ​ ഇ​ൻ​സ്​​പെ​ക്ട​ർ നി​സാ​റി​ന്‍റെ നേ​തൃ​ത്വ​ത്തി​ൽ എ​സ്.​ഐ​മാ​രാ​യ സു​ജി​ത്ത്, പ്ര​ദീ​പ്, എ​സ്.​സി.​പി.​ഒ​മാ​രാ​യ സ​ലാ​ഹു​ദ്ദീ​ൻ, സി.​പി.​ഒ പ്രേം​ലാ​ൽ, വ​നി​ത സി.​പി.​ഒ ദീ​പ എ​ന്നി​വ​ര​ട​ങ്ങി​യ സം​ഘ​മാ​ണ് പ്ര​തി​യെ പി​ടി​കൂ​ടി​യ​ത്. അറസ്റ്റിലായ പ്രതിയെ കോടതിയിൽ ഹാജരാക്കി.