വീ​ട്ടി​ൽ അ​തി​ക്ര​മി​ച്ചു​ക​യ​റി യു​വ​തി​യെ പീ​ഡി​പ്പി​ച്ചു: പ്രതിക്ക് 15 വർഷം കഠിന തടവും പിഴയും

പു​ന​ലൂ​ർ: വീ​ട്ടി​ൽ അ​തി​ക്ര​മി​ച്ചു​ക​യ​റി യു​വ​തി​യെ പീ​ഡി​പ്പി​ച്ച കേ​സി​ൽ പ്ര​തി​ക്ക്​ 15 വ​ർ​ഷം ക​ഠി​ന​ത​ട​വും 60,000 രൂ​പ പി​ഴ​യും ശി​ക്ഷ വിധിച്ച് കോടതി. ക​ര​വാ​ളൂ​ർ വെ​ഞ്ചേ​മ്പ് വാ​ഴ​വി​ള​വീ​ട്ടി​ൽ അ​നീ​ഷ് കു​മാ​റി​നെ(28)യാണ് കോടതി ശിക്ഷിച്ചത്. പു​ന​ലൂ​ർ അ​സി​സ്റ്റ​ന്റ് സെ​ഷ​ൻ​സ് കോ​ട​തി ജ​ഡ്ജി കെ.​എം. സു​ജ ആണ് ശി​ക്ഷ വി​ധി​ച്ച​ത്.

യു​വ​തി​യെ പീ​ഡി​പ്പി​ച്ച കേ​സി​ൽ വി​വി​ധ വ​കു​പ്പു​ക​ളി​ലാ​യാ​ണ്​ 15 വ​ർ​ഷം ശി​ക്ഷ​യും 60000 പി​ഴ​യും വി​ധി​ച്ച​ത്. വി​വി​ധ വ​കു​പ്പു​ക​ളി​ലെ ശി​ക്ഷ പ്ര​ത്യേ​ക​മാ​യി​ത്ത​ന്നെ അ​നു​ഭ​വി​ക്ക​ണ​മെ​ന്നും വി​ധി​യി​ൽ പ​റ​യുന്നു.

Read Also : ജഡ്ജിയും സ്ത്രീയല്ലേ? എന്ത് നീതിയാണ് സാറെ ഞങ്ങള്‍ക്ക് കിട്ടിയത്, പൊട്ടിക്കരഞ്ഞ് കുഞ്ഞിന്റെ അമ്മ

2018 ആ​ഗ​സ്റ്റ് മൂ​ന്നി​ന് രാ​വി​ലെ 9.45നാ​ണ് കേ​സി​നാ​സ്പ​ദ​മാ​യ സം​ഭ​വം നടന്നത്. ര​ണ്ടാം​വ​ർ​ഷ ബി​രു​ദ വി​ദ്യാ​ർ​ഥി​നി​യാ​യി​രു​ന്ന യു​വ​തി യൂണി​വേ​ഴ്സി​റ്റി പ​രീ​ക്ഷ​ക്കാ​യി വീ​ട്ടി​ൽ നി​ന്ന്​ ഇ​റ​ങ്ങാ​ൻ ശ്ര​മി​ക്ക​വേ മ​റ​ഞ്ഞി​രു​ന്ന പ്ര​തി ക​ഴു​ത്തി​ൽ ​ക​ത്തി വെ​ച്ച് പീഡിപ്പിക്കുകയാ​യി​രു​ന്നു.

കു​ന്നി​ക്കോ​ട് എ​സ്.​ഐ കെ.​ജി. ഗോ​പ​കു​മാ​റാ​ണ് കേ​സ് അ​ന്വേ​ഷി​ച്ച് കോ​ട​തി​യി​ൽ കു​റ്റ​പ​ത്രം സ​മ​ർ​പ്പി​ച്ച​ത്. പ്രോ​സി​ക്യൂ​ഷ​ൻ ഭാ​ഗ​ത്തു​നി​ന്ന്​ 27 രേ​ഖ​ക​ളും ഉ​ൾ​പ്പെ​ടെ കോ​ട​തി തെ​ളി​വാ​യി സ്വീ​ക​രി​ച്ചു. 16 സാ​ക്ഷി​ക​ളെ വി​സ്ത​രി​ച്ചു.

അതേസമ‌യം, മാ​സ​ങ്ങ​ൾ​ക്ക്​ മു​മ്പ്​ ത​മി​ഴ്നാ​ട് പാ​വൂ​ർഛ​ത്രം റെ​യി​ൽ​വേ ക്രോ​സി​ലെ ഡ്യൂ​ട്ടി വാ​ച്ച​റാ​യ മ​ല​യാ​ളി ഉ​ദ്യോ​ഗ​സ്ഥ​യെ ആ​ക്ര​മി​ച്ച കേ​സി​ലും പ്ര​തി​യാ​ണ്​ ഇ​യാ​ൾ. ഈ ​കേ​സി​ൽ പി​ടി​യി​ലാ​യ പ്ര​തി ത​മി​ഴ്നാ​ട് ജ​യി​ലി​ലാ​ണ്.