ആലുവ: പ്രായപൂർത്തിയാകാത്ത ആൺകുട്ടിയെ ലൈംഗികമായി ഉപദ്രവിച്ചയാൾക്ക് 13 വർഷം തടവും 65,000 രൂപ പിഴയും ശിക്ഷ വിധിച്ച് കോടതി. കവരപ്പറമ്പ് മേനാച്ചേരി ജിംകോ ജോർജിനെ(55)യാണ് കോടതി ശിക്ഷിച്ചത്. ആലുവ ഫാസ്റ്റ് ട്രാക് സ്പെഷൽ ജഡ്ജി വി.ജി. അനുപമ ആണ് ശിക്ഷ വിധിച്ചത്.
2022 മാർച്ചിലാണ് കേസിനാസ്പദമായ സംഭവം. ചെങ്ങമനാട് പൊലീസ് രജിസ്റ്റർ ചെയ്ത കേസിൽ ഇൻസ്പെക്ടർ എസ്.എം. പ്രദീപ് കുമാറിന്‍റെ നേതൃത്വത്തിൽ എസ്.ഐമാരായ ഷാജി എസ്. നായർ, പി.ബി. ഷാജി, എ.എസ്.ഐ സിനുമോൻ, സീനിയർ സിവിൽ പൊലീസ് ഓഫീസർ ജസീന തുടങ്ങിയവരാണ് അന്വേഷണം നടത്തിയത്.
Read Also : പ്രതികള്‍ സഞ്ചരിച്ചിരുന്ന ഓട്ടോയും ഡ്രൈവറും കസ്റ്റഡിയില്‍, പ്രതികളെക്കുറിച്ച് നിര്‍ണായക വിവരം
പി.ജി. യമുനയായിരുന്നു പബ്ലിക് പ്രോസിക്യൂട്ടർ.
Post Your Comments