കാസർഗോഡ്: പതിനാല് വയസ്സുള്ള പെൺകുട്ടിയെ ലൈംഗിക പീഡനത്തിനിരയാക്കിയ കേസിൽ പ്രതിക്ക് 46 വർഷം തടവും മൂന്നര ലക്ഷം പിഴയും ശിക്ഷ വിധിച്ച് കോടതി. പിഴയടച്ചില്ലെങ്കിൽ 38 മാസം അധിക തടവും ശിക്ഷ വിധിച്ചിട്ടുണ്ട്. മൊഗ്രാൽ പുത്തൂർ ദേശമംഗലം സ്വദേശിയായ ലോകേഷിനെ(47)യാണ് കോടതി ശിക്ഷിച്ചത്. അഡീഷനൽ ജില്ല ആൻഡ് സെഷൻസ് കോടതി (ഒന്ന്) ജഡ്ജ് എ. മനോജ് ആണ് ശിക്ഷിച്ചത്.
2018 ഫെബ്രുവരി 25-നാണ് കേസിനാസ്പദമായ സംഭവം. ബദിയടുക്ക എസ്.ഐ. ആയിരുന്ന മെൽബിൻ ജോസാണ് കേസന്വേഷിച്ച് കുറ്റപത്രം സമർപ്പിച്ചത്.
പ്രോസിക്യൂഷന് വേണ്ടി സ്പെഷ്യൽ പ്രോസിക്യൂട്ടർ പ്രകാശ് അമ്മണ്ണായ ഹാജരായി.
Post Your Comments