തിരുവനന്തപുരം: കാട്ടാക്കട ബസ് സ്റ്റാന്‍ഡില്‍ കെഎസ്ആര്‍ടിസി ബസ് ഇടിച്ച് വിദ്യാര്‍ത്ഥിനി മരിച്ചു. കാട്ടാക്കട ക്രിസ്ത്യന്‍ കോളജ് ഒന്നാം വര്‍ഷ ബി.കോം വിദ്യാര്‍ത്ഥിനി അഭന്യ(18) ആണ് മരിച്ചത്.
കോളജ് വിട്ടു വീട്ടിലേക്ക് പോകാനായി സ്റ്റാന്‍ഡില്‍ എത്തിയപ്പോഴായിരുന്നു അപകടം നടന്നത്. ഈ സമയം വിഴിഞ്ഞം ഭാഗത്തുനിന്നും വന്ന കെഎസ്ആര്‍ടിസി ബസ് നിര്‍ത്തിയശേഷം അപ്രതീക്ഷിതമായി മുന്നോട്ട് എടുക്കുകയായിരുന്നെന്ന് ദൃസാക്ഷികള്‍ പറയുന്നു.
ബസിനും വാണിജ്യ സമുച്ചയത്തിന്‍റെ തൂണിനുമിടയില്‍ അഭന്യ കുടുങ്ങിപ്പോവുകയായിരുന്നു. തലയ്ക്കുള്‍പ്പെടെ ഗുരുതരമായി പരിക്കേറ്റ വിദ്യാര്‍ത്ഥിനിയെ മെഡിക്കല്‍ കോളജ് ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.
മൃതദേഹം ആശുപത്രി മോർച്ചറിയിലേക്ക് മാറ്റി.
Post Your Comments