പാലക്കാട്: സമൂഹ മാധ്യമങ്ങള്‍ വഴി മദ്യപാനം പ്രോത്സാഹിപ്പിച്ച മലയാളി യൂട്യൂബര്‍ പിടിയില്‍. പാലക്കാട് തൂത സ്വദേശി അക്ഷജ് (21) ആണ് പിടിയിലായത്.
യൂട്യൂബ് വഴി മദ്യപാനം പ്രോത്സാഹിപ്പിച്ചതിനും വൈന്‍ നിര്‍മ്മിച്ചതിനുമാണ് എക്സൈസ് അക്ഷജിനെ അറസ്റ്റ് ചെയ്തത്.
Read Also: കടത്തുവള്ളം മുങ്ങി: യാത്രക്കാർ നീന്തി രക്ഷപ്പെട്ടു
യുവാവ് സമൂഹ മാധ്യമങ്ങള്‍ വഴി മദ്യപാനം പ്രോത്സാഹിപ്പിക്കുന്നതായി എക്സൈസ് ഉദ്യോഗസ്ഥര്‍ക്ക് നിരവധി പരാതികള്‍ ലഭിച്ചിരുന്നു. തുടര്‍ന്ന് ചെര്‍പ്പുളശ്ശേരി എക്സൈസ് ഉദ്യോഗസ്ഥര്‍ യുവാവിന്റെ വീട്ടില്‍ നടത്തിയ പരിശോധനയില്‍ അനധികൃതമായി വൈന്‍ നിര്‍മ്മിക്കാന്‍ ഉപയോഗിച്ച മിശ്രിതങ്ങളും 4 ലിറ്റര്‍ വൈനും കണ്ടെടുത്തു. വീഡിയോ റെക്കോര്‍ഡ് ചെയ്യുന്നതിന് ഉപയോഗിച്ച ക്യാമറകള്‍, എഡിറ്റ് ചെയ്യാനും അപ്ലോഡ് ചെയ്യുന്നതിനുമായി ഉപയോഗിച്ച ലാപ്ടോപ്പുകള്‍, മൈക്കുകള്‍ എന്നിവ പിടിച്ചെടുത്തതായും യുവാവിനെ റിമാന്‍ഡ് ചെയ്തതായും എക്സൈസ് ഉദ്യോഗസ്ഥര്‍ അറിയിച്ചു.
Post Your Comments