പള്ളിക്കത്തോട്: വീട്ടമ്മയെയും മകനെയും വീട്ടില്‍ക്കയറി ആക്രമിച്ച കേസില്‍ രണ്ടുപേർ പൊലീസ് പിടിയിൽ. വാഴൂര്‍ നെടുമാവ് പുതിയ കോളനി താളിയാനില്‍ അനീഷ് (34), പാമ്പാടി ലങ്കപടി കുമ്പഴശേരില്‍ നിതിന്‍ചന്ദ്രന്‍ (34) എന്നിവരെയാണ് അറസ്റ്റ് ചെയ്തത്. പള്ളിക്കത്തോട് പൊലീസ് ആണ് അറസ്റ്റ് ചെയ്തത്.
Read Also : സംസ്ഥാനത്ത് ഇനി മുതല്‍ എല്ലാ വര്‍ഷവും വൈദ്യുതി നിരക്ക് കൂടും : വൈദ്യുതി മന്ത്രി കെ.കൃഷ്ണന്‍കുട്ടി
കഴിഞ്ഞദിവസം രാത്രി ഇരുവരും ചേര്‍ന്ന് വാഴൂര്‍ നെടുമാവ് പുതിയ കോളനി ഭാഗത്ത് താമസിക്കുന്ന വീട്ടമ്മയുടെ വീട്ടില്‍ അതിക്രമിച്ചു കയറി വീട്ടമ്മയെയും മകനെയും അസഭ്യം പറയുകയും ആക്രമിക്കുകയുമായിരുന്നു. വീട്ടമ്മയുടെ മകനോടുള്ള മുന്‍ വൈരാഗ്യത്തിന്‍റെ തുടര്‍ച്ചയായാണ് ആക്രമണം നടന്നത്.
പരാതിയുടെ അടിസ്ഥാനത്തിൽ പള്ളിക്കത്തോട് പൊലീസ് കേസെടുത്ത് ഇവരെ പിടികൂടുകയായിരുന്നു. അറസ്റ്റിലായവരെ കോടതിയിൽ ഹാജരാക്കി.
Post Your Comments