ഗ​ര്‍ഭി​ണി​​യെ കി​ട​പ്പു​മു​റി​യി​ല്‍ കു​ത്തി​ക്കൊ​ല​പ്പെ​ടു​ത്തി: ഭ​ര്‍ത്താ​വി​ന് ജീ​വ​പ​ര്യ​ന്ത​വും പി​ഴ​യും

ത​ല​ശ്ശേ​രി: ഗ​ര്‍ഭി​ണി​യാ​യ ഭാ​ര്യ​യെ കി​ട​പ്പു​മു​റി​യി​ല്‍ കു​ത്തി​ക്കൊ​ല​പ്പെ​ടു​ത്തി​യ കേ​സി​ല്‍ ഭ​ര്‍ത്താ​വി​ന് ജീ​വ​പ​ര്യ​ന്ത​വും ഒ​രു ല​ക്ഷം രൂ​പ പി​ഴ​യും ശിക്ഷ വിധിച്ച് കോടതി. ഇ​രി​വേ​രി​യി​ലെ ക​ണ്ണോ​ത്ത് ഹൗ​സി​ല്‍ കെ.​സി. അ​രു​ണി​നെ(43)യാ​ണ് കോടതി ശിക്ഷിച്ചത്. ത​ല​ശ്ശേ​രി അ​ഡീ​ഷ​ന​ല്‍ ജി​ല്ല സെ​ഷ​ന്‍സ് ജ​ഡ്ജി എ.​വി. മൃ​ദു​ലയാണ് ശി​ക്ഷ വിധി​ച്ച​ത്.

ഗ​ര്‍ഭി​ണി​യെ കൊ​ല​പ്പെ​ടു​ത്തി​യ​തി​ന് 10 വ​ര്‍ഷം അ​ധി​ക ത​ട​വു​മുണ്ട്. എ​ന്നാ​ല്‍, ശി​ക്ഷ ജീ​വ​പ​ര്യ​ന്ത​മാ​യി ഒ​രു​മി​ച്ച് അ​നു​ഭ​വി​ച്ചാ​ല്‍ മ​തി. പി​ഴ അ​ട​ച്ചി​ല്ലെ​ങ്കി​ൽ നാ​ലു​മാ​സം അ​ധി​ക​ത​ട​വ് അ​നു​ഭ​വി​ക്ക​ണം.

Read Also : ‘ചീത്ത തന്ത്രം’: ആപ്പിളിന്റെ ‘ഹാക്കിംഗ്’ അലേർട്ടിലെ ജോർജ്ജ് സോറോസിന്റെ ബന്ധം ചൂണ്ടിക്കാണിച്ച് ബിജെപി

ച​ക്ക​ര​ക്ക​ല്‍ പൊ​ലീ​സ് സ്റ്റേ​ഷ​ന്‍ പ​രി​ധി​യി​ല്‍ വ​ലി​യ​ന്നൂ​രി​ലെ ബീ​നാ​ല​യ​ത്തി​ല്‍ ബി​ജി​ന(24)യാ​ണ് കൊ​ല്ല​പ്പെ​ട്ട​ത്. ഒ​രു​ മൃ​ഗ​ത്തോ​ടും കാ​ണി​ക്കാ​ത്ത ക്രൂ​ര​ത​യാ​ണ് പ്ര​തി ബി​ജി​ന​യോ​ട് കാ​ണി​ച്ച​തെ​ന്ന് ജ​ഡ്ജി വി​ധിന്യായത്തിനിടെ പ​റ​ഞ്ഞു.

2012 ജൂ​ലൈ മൂ​ന്നി​ന് രാ​വി​ലെ പ​ത്ത​ര​യോ​ടെ​യാ​ണ് കേ​സി​നാ​സ്പ​ദ​ സം​ഭ​വം നടന്നത്. മൂ​ന്നു​മാ​സം ഗ​ര്‍ഭി​ണി​യാ​യി​രു​ന്ന ബി​ജി​ന​യെ കി​ട​പ്പു​മു​റി​യി​ല്‍ ക​ത്തി ഉ​പ​യോ​ഗി​ച്ച് കു​ത്തു​ക​യാ​യി​രു​ന്നു. ചി​കി​ത്സ​ക്കി​ട​യി​ല്‍ അ​ന്ന് വൈ​കീ​ട്ട് പ​രി​യാ​രം ഗ​വ. മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ൽ വെച്ച് മ​രി​ച്ചു. സം​ഭ​വ​ത്തി​ന് ര​ണ്ടു വ​ർ​ഷം മു​മ്പാ​ണ് ബി​ജി​ന​യും അ​രു​ണും വി​വാ​ഹി​ത​രാ​യ​ത്.

ബി​ജി​ന​യു​ടെ സ​ഹോ​ദ​ര​ന്‍ പി.​കെ. ജ​യ​രാ​ജ​ന്റെ പ​രാ​തി​യി​ലാ​ണ് ച​ക്ക​ര​ക്ക​ല്ല് പൊ​ലീ​സ് കേ​സ​ന്വേ​ഷി​ച്ച് കു​റ്റ​പ​ത്രം സ​മ​ര്‍പ്പി​ച്ച​ത്. പ്രോ​സി​ക്യൂ​ഷ​ന് വേ​ണ്ടി ജി​ല്ല ഗ​വ.​പ്ലീ​ഡ​ര്‍ കെ. ​അ​ജി​ത്ത്കു​മാ​ര്‍ ഹാ​ജ​രാ​യി.