ആന്ധ്രാപ്രദേശ് രൂപീകരണ ദിനം: ചരിത്രവും പ്രധാന്യവും അറിയാം

‘തെക്കിന്റെ ഭക്ഷണപാത്രം’ എന്ന് അറിയപ്പെടുന്ന സംസ്ഥാനമാണ് ആന്ധ്രാപ്രദേശ്. ഇന്ത്യയിലെ ഏറ്റവും വലിയ ഏഴാമത്തെ സംസ്ഥാനവും ഏറ്റവും ജനസംഖ്യയുള്ള പത്താമത്തെ സംസ്ഥാനവുമാണ് ആന്ധ്ര. 1956 നവംബർ 1 നാണ് സംസ്ഥാനം നിലവിൽ വന്നത്.

Read Also: കളമശേരി സ്‌ഫോടനത്തിൽ വിവാദ പരാമർശം നടത്തി: നാല് പേർക്കെതിരെ പോലീസിൽ പരാതി നൽകി കെപിസിസി

കൊളോണിയൽ കാലഘട്ടത്തിൽ ആന്ധ്രാപ്രദേശ് മദ്രാസ് പ്രവിശ്യയുടെ ഭാഗമായിരുന്നു. 1953-ലാണ് രായലസീമയുടെയും ആന്ധ്രയുടെയും പ്രദേശങ്ങളായ പുതിയ സംസ്ഥാനത്തിന്റെ രൂപീകരണം നടന്നത്. 1956-ൽ തെലങ്കാനയും കൂട്ടിച്ചേർക്കപ്പെടുകയും ആന്ധ്രാപ്രദേശ് നിലവിൽ വരികയും ചെയ്തു. പിന്നീട് തെലങ്കാന എന്ന പ്രത്യേക സംസ്ഥാനം രൂപീകരിക്കാനുള്ള ആവശ്യം ശക്തമായതോടെ ആന്ധ്രാപ്രദേശിനെ വിഭജിച്ച് പുതിയ സംസ്ഥാനം രൂപീകരിച്ചു.

തെലങ്കാന സംസ്ഥാന രൂപീകരണത്തിന് ശേഷം, അന്നത്തെ ആന്ധ്രാപ്രദേശ് മുഖ്യമന്ത്രി എൻ. ചന്ദ്രബാബു നായിഡു, ജൂൺ 2 സംസ്ഥാന രൂപീകരണ ദിനമായി പ്രഖ്യാപിച്ചു. എല്ലാ വർഷവും ജൂൺ 2 മുതൽ ജൂൺ 8 വരെ നവനിർമ്മാൺ ദീക്ഷ ആചരിക്കുമെന്നും അദ്ദേഹം പ്രഖ്യാപിച്ചു. എന്നാൽ, ജഗൻ മോഹൻ റെഡ്ഡി അധികാരമേറ്റെടുത്തതോടെ ആന്ധ്രാപ്രദേശ് രൂപീകരണ ദിനം വീണ്ടും നവംബർ ഒന്നിന് ആഘോഷിക്കാൻ തുടങ്ങി.

ആന്ധ്രാപ്രദേശ് രൂപീകരണ ദിനത്തിൽ സംസ്ഥാന സർക്കാർ സാംസ്‌കാരിക പരിപാടികൾ സംഘടിപ്പിക്കുന്നുണ്ട്.

Read Also: കളമശ്ശേരിയിലെ ബോംബ് സ്‌ഫോടനവുമായി ബന്ധപ്പെട്ട് എം.വി ഗോവിന്ദന്റെ അഭിപ്രായത്തെ തള്ളി സീതാറാം യെച്ചൂരി