വൈക്കം: യുവാവിനെ ആക്രമിച്ച കേസിൽ ഒരാൾ പൊലീസ് പിടിയിൽ. കുലശേഖരമംഗലം മേക്കര കടത്തുകടവ് ഭാഗത്ത് സുബി ഭവനത്തിൽ കെ. സുബി(39)നെയാണ് അറസ്റ്റ് ചെയ്തത്. വൈക്കം പൊലീസ് ആണ് അറസ്റ്റ് ചെയ്തത്.
കഴിഞ്ഞദിവസം രാത്രി ഇയാൾ വൈക്കം സ്വദേശിയായ യുവാവിനെ കമ്പിവടി കൊണ്ട് ആക്രമിക്കുകയായിരുന്നു. യുവാവ് സുഹൃത്തിനോടു സംസാരിച്ചു നിൽക്കവെ സുഹൃത്തിനെ ആക്രമിക്കാനെത്തിയ സുബിയെ യുവാവ് തടഞ്ഞതിനായിരുന്നു ആക്രമണം നടത്തിയത്. സുബിക്ക് യുവാവിന്‍റെ സുഹൃത്തിനോടു മുൻവൈരാഗ്യമുണ്ടായിരുന്നു.
വൈക്കം സ്റ്റേഷൻ എസ്എച്ച് ഒ രാജേന്ദ്രൻ നായർ, എസ്ഐ ഷിബുവർഗീസ്, ശിവദാസപ്പണിക്കർ എന്നിവർ ചേർന്നാണ് പ്രതിയെ അറസ്റ്റ് ചെയ്തത്. കോടതിയിൽ ഹാജരാക്കിയ ഇയാളെ റിമാൻഡ് ചെയ്തു.
Post Your Comments